Bolgarııa prezıdenti qyzmetinen ketetinin málimdedi

ASTANA. KAZINFORM — Bolgarııa prezıdenti Rýmen Radev óziniń otstavkaǵa ketetinin jarııalady, dep habarlaıdy DW. 

Ol bul qyzmetti 2017 jyldan beri qatarynan eki merzim atqarǵan. Radevtiń otstavkasy Bolgarııada jeltoqsan aıynda bastalǵan jappaı narazylyqtar aıasynda bolyp otyr.

Narazylyqqa áleýmettik jelilerde taraǵan beınerolıkter sebep bolǵan. Olardyń birinde bılik koalıtsııasyndaǵy depýtattar «Lýkoıldyń» jergilikti aktıvterine qatysty zańdy nebári 26 sekýndta qabyldaǵany kórsetilgen. Al ekinshi vıdeoda túski úzilis kezinde daýly bıýdjet jobasy boıynsha daýys berý sáti beınelengen.

11 jeltoqsanda narazylyq aktsııalarynyń aıasynda Bolgarııanyń premer-mınıstri Rosen Jelıazkov ta qyzmetinen ketken.

Buǵan deıin Bolgarııada merziminen buryn saılaý ótetini habarlanǵan edi.

Eske sala keteıik, bolgarlardyń shamamen jartysy elde eýrony engizýge qarsy. Olar bul qadam Bolgarııanyń egemendigine nuqsan keltirýi múmkin dep qaýiptenedi. Sonymen qatar ulttyq valıýta — levten eýroǵa kóshý barysynda rıteılerler bul ózgeristi baǵany kóterý úshin paıdalanýy múmkin degen alańdaýshylyq bar.

Jeltoqsan aıynda Bolgarııa Úkimeti birneshe aptaǵa sozylǵan narazylyqtardan keıin otstavkaǵa ketken edi.