Bolgarııa ókili Halyqaralyq valıýta qorynyń basshysy bolyp saılandy
NUR-SULTAN. QazAqparat – Eýropalyq odaq elderi Bolgarııa ókili Krıstalına Georgıevany Halyqaralyq valıýta qorynyń ókimshi-dırektory etip saılady, dep habarlaıdy euronews.com.
Saılaý frntsýzdyq qarjy vedomostvonyń basqarýymen elektrondyq poshta boıynsha ótkizildi.
Georgıeva Eýropalyq ortalyq banki basshysy laýazymyna usynylýyna baılanysty otstavkaǵa ótinish bildirgen Krıstın Lagardtyń ornyn basýy múmkin.
Saılaýdyń sońǵy kezeńinde Georgıeva men Nıderland ókili Ierýn Deısselblým arasynda qatty taıtalas boldy. Tek daýys berýdiń tórtinshi týrynda ǵana Georgıevaǵa jeńiske jetýdiń sáti tústi.
Krıstalına Georgıeva ekonomıst jáne professor, turaqty damý boıynsha ekspert.
2017 jyldan bastap Dúnıejúzilik banktiń atqarýshy dırektory bolǵan. Onyń kandıdatýrasyn ásirese Frantsııa qatty qoldady.
