Bolgarııa men Rýmynııa áýe jáne teńiz «Shengenine» qosyldy
Bolgarııa men Rýmynııa Shengen vızasyna qosylý protsesin bastady. Ázirge vızasyz rejım teńiz jáne áýe shekarasyn kesip ótetinderge ǵana tıisti bolady. Ol kelesi jyldyń naýryz aıynda jumysyn bastaıdy.
Sondaı-aq bul bastamaǵa qarsy shyqqan Avstrııa óz pozıtsııasyn jumsartýy múmkin ekeni belgili boldy.
«13 jyl kútkennen keıin aqyry saıası kelisimge qol jetkizdik. Ol jaqyn arada júzege asady. 2024 jyldyń naýryz aıynan bastap áýe jáne teńiz shekaralaryn ashý - uzaq kelissózderden keıin jeńip alynǵan quqyq», - dedi Rýmynııanyń premer-mınıstri Marchel Cholaký.
«Bul kelissózder Eýropalyq komıssııanyń eleýli qoldaýymen jáne Eýropaǵa zańsyz mıgranttar aǵynyn azaıtý úshin Eýroodaqtyń Túrkııa jáne Serbııamen syrtqy shekaralaryn qorǵaý kúsh-jigerimen ótedi», - dedi Bolgarııanyń premer-mınıstri Nıkolaı Denkov.
Shengen aımaǵyna Shveıtsarııa, Norvegııa, Islandııa jáne Lıhtenshteınmen qatar Eýropalyq Odaqqa múshe 27 eldiń 23-i kiredi.
Aýstrııa 2022 jyldyń sońynda Bolgarııa men Rýmynııanyń vızasyz aımaǵyna kirýge veto qoıdy, bul rette ol Eýroodaqqa bes jyldan keıin kirgen Horvatııaǵa Shengenge qosylýǵa ruqsat berdi.