Bolgarııa men Bangladeshte koronavırýs juqtyrýdyń alǵashqy deregi tirkeldi
NUR-SULTAN. QazAqparat - Búgin, jeksenbi kúni Bolgarııa koronavırýs juqtyrýdyń alǵashqy tórt oqıǵasynyń naqtylanǵany týraly aqparat taratty, dep habarlaıdy QazAqparat Reuters agenttigine silteme jasap.
Eldiń soltústigindegi Pleven qalasynda eki er adamnyń jáne Gabrovo qalasynda 2 áıeldiń saraptama nátıjeleri olardyń vırýs juqtyrǵandyǵyn anyqtaǵan. Bul jaıynda Bolgarııanyń Ulttyq juqpaly jáne parazıttik aýrýlar ortalyǵynyń basshysy Todor Kantardjıev rastady. Sondyqtan búgin el Úkimeti koronavırýstyń taralýynyń aldyn alý boıynsha qosymsha sharalardy talqylaý úshin shuǵyl jıyn ótkizýi tıis.
7 mıllıon turǵyny bar Bolgarııa bıligi vırýstyń taralýyna jol bermeý úshin áýejaılarǵa jáne shekaralyq baqylaý-ótkizý beketine kelgen adamdardyń dene qyzýyn tekserip jatyr.
Sondaı-aq, Dhaka Trubine agenttiginiń málimetinshe, Bangladeshte te koronavırýs juqtyrýdyń alǵashqy deregi tirkeldi. Eldiń Epıdemıologııalyq baqylaý jáne aýrýlardy zertteý ınstıtýty búkil álemde 3 400-den astam adamnyń ajalyna sebepker bolǵan koronavırýs 3 adamǵa juqqanyn saraptama nátıjeleri kórsetip otyrǵandyǵyn rastady. Vırýs juqtyrǵandarmen baılanysta bolǵan taǵy 3 adam qazirgi ýaqytta karantınde jatyr.
Koronavırýsqa shaldyqqan úsh adamnyń ekeýi Italııanyń ártúrli qalasynan taıaýda ǵana kelgen. Úsheýiniń de jastary 20 men 35 jas aralyǵynda.
Aıta keterligi, búginde búkil álem boıynsha koronavırýs juqtyrǵan adamdardyń sany 101 myńnan asyp ketti. Vırýs Jer sharynyń ár túpkirinen 3 400-den astam adamnyń ómirin jalmady.
