Bolgarııa kompanııalaryna qolaıly jaǵdaı jasaýǵa daıynbyz – Qasym-Jomart Toqaev

ASTANA. KAZINFORM – Qazaqstan-Bolgarııa bıznes forýmyna eki eldiń Memleket basshylary qatysady. Bul týraly Aqordada Bolgarııa Prezıdenti Rýmen Radevpen kelissózderden keıingi birlesken málimdeme barysynda Memleket basshysy Qasym-Jomart Toqaev aıtty.

- Elimizge Rýmen Radevpen birge Bolgarııanyń iri kásipkerleri keldi. Búgin bıznes forým ótedi. Birqatar kommertsııalyq qujatqa qol qoıylady. Bıznes forýmǵa biz – eki el basshylary da qatysatyn boldyq. Bul ekijaqty yntymaqtastyqqa aıryqsha mán beriletindigin ańǵartady. Biz elimizde jumys istegisi keletin Bolgarııa kompanııalaryna qolaıly jaǵdaı jasaýǵa daıynbyz. Men isker toptardyń yqpaldastyǵyn nyǵaıtý úshin Qazaqstan-Bolgarııa iskerlik keńesin qurýdy usyndym, - dedi Prezıdent.

Sondaı-aq Memleket basshysyz mádenı-gýmanıtarlyq, bilim berý jáne óńiraralyq baılanys salasyndaǵy yntymaqtastyqty damytýǵa dpa ýaǵdalasqandyqtaryn atap ótti. 

- 2018 jyly Sofııa qalasynda Astana kóshesi paıda boldy. Endi biz jaqyn arada elordamyzda Sofııa atty kósheni ashatyn boldyq.

Jalpy, kelissózder tabysty ótti deýge tolyq negiz bar. Búgin birqatar mańyzdy qujaqa qol qoıyldy. Jasalǵan kelisimder nátıjesinde eki eldiń yntymaqtastyǵy jańa deńgeıge kóterilmek, - dedi Qasym-Jomart Toqaev. 

Buǵan deıin Memleket basshysy Qasym-Jomart Toqaev Aqordada elimizge resmı saparmen kelgen Bolgarııa Prezıdenti Rýmen Radevti qarsy alǵanyn jazǵan edik.

Birlesken málimdeme barysynda Prezıdent Transkaspıı halyqaralyq kólik dálizine Bolgarııanyń Býrgas jáne Varna teńiz porttaryn qosý máselesi qarastyrylatynyn aıtty.