Bolgarııa Qazaqstandy Ortalyq Azııadaǵy negizgi seriktesi retinde qarastyrady – Rýmen Radev
ASTANA. KAZINFORM – Bolgarııa Qazaqstandy Ortalyq Azııadaǵy basty ári negizgi seriktesi retinde qarastyrady. Bul týraly Aqordada elimizge resmı saparmen kelgen Bolgarııa Prezıdenti Rýmen Radev Memleket basshysy Qasym-Jomart Toqaevpen keńeıtilgen quramdaǵy kelissóz barysynda aıtty.
- Siz elderimiz arasyndaǵy ekijaqty qarym-qatynasty tereńdetýge qatysty mańyzdy máseleni qozǵadyńyz. Bolgarııa Qazaqstandy Ortalyq Azııadaǵy basty ári negizgi seriktesi retinde qarastyrady. Bizdiń qarym-qatynasymyz halyqtarymyz arasyndaǵy ózara qurmetke, senimge negizdelgen tereń tarıhı baılanysqa ulasqan. Menińshe, ózara baılanystylyq – bul tabysqa jeteleıtin kilt. Bizdiń ózara qarym-qatynasymyz, Eýropalyq odaq pen Qazaqstannyń ózara qarym-qatynasy jaıynda aıtyp otyrmyn, - dedi mártebeli meıman.
Rýmen Radev eki memleket arasyndaǵy kólik, energetıka, tsıfrlandyrý syndyts salalardaǵy barlyq múmkindikterdi jan-jaqty pysyqtaý qajettigine toqtaldy.
- Siz óte mańyzdy memorandýmdarǵa qol qoıylatyn eske salyp óttińiz. Olar bizge Orta dálizdi kúsheıtýge septigin tıgizedi. Bul Eýropa úshin de, Azııa úshin de, Qazaqstan úshin de, Bolgarııa úshin de óte mańyzdy, - dedi Bolgarııa Prezıdenti.
Buǵan deıin Memleket basshysy Qasym-Jomart Toqaev Aqordada elimizge resmı saparmen kelgen Bolgarııa Prezıdenti Rýmen Radevti qarsy alǵanyn jazǵan edik.
Keńeıtilgen quramdaǵy kelissóz barysynda Memleket basshysy Qasym-Jomart Toqaev Bolgarııa men Qazaqstan arasynda iskerlik keńesi qurylatynyn aıtty.