Bolgar tennısshisi Dımıtrov ATP týrnıriniń jeńimpazy atandy
ASTANA. QazAqparat - Londonda ótken Kásipqoı tennısshiler qaýymdastyǵynyń qorytyndy týrnırinde (syılyq qory - $8 mln) bolgar Grıgor Dımıtrov belgııalyq Davıd Goffennen basym tústi.
Týrnırde altynshy nómirde turǵan Dımıtrov jetinshi oryndaǵy Goffendi 7:5, 4:6, 6:3 esebimen utty, dep habarlaıdy TASS.
Tennısshiler altynshy ret bir-birimen baq synasty. Dımıtrov ekeýara kezdesýde bes ret belgııalyqtan basym tústi.
Atap ótken jón, qorytyndy týrnırdiń tarıhynda alǵash ret Úlken dýlyǵa serııasy týrnırleriniń fınalynda bir de bir oınamaǵan eki tennısshi kezdesti. Alǵash ret Qorytyndy týrnırde óner kórsetken 26 jastaǵy Dımıtrov jasyndaı jarqyrady. Osy jeńistiń arqasynda bolgar sportshysy atalmysh maýsymdy ATP reıtınginde úshinshi orynmen aıaqtaıdy. Dımıtrovtiń aldynda ıspandyq Rafael Nadal (1) men shveıtsarlyq Rodjer Federer (2) tur.
