Bolgar ǵalymdary qoqysty gaz otynyna aınaldyrý ádisin tapty
ASTANA. 7 naýryz. QazAqparat - Bolgar ǵylym akademııasynyń ǵalymdary qoqysty gaz otynyna aınaldyrýdyń ádisin tapty, dep habarlady ITAR-TASS.
Bul otyndy energetıkada jáne kúndelikti turmysta paıdalanýǵa bolady, ol is júzinde arzan elektr energııasyn alýǵa múmkindik beredi, dep sanaıdy ǵalymdar.
«Bizdiń usynyp otyrǵan ádisimiz qatty turmystyq qaldyqtardy joǵary temperatýrada óńdeý men elektr energııasyn az jumsaýdyń sátti úlgisi. Sonyń nátıjesinde biz kómirtegi men sýtegi totyǵyna baı negizgi otyn - tabıǵı gaz alyp otyrmyz, ony energetıkada jáne turmysta paıdalanýǵa bolady», dep habarlady BǴA Injenerlik ǵylym ınstıtýtynyń professory Venko Beshkov.
Ǵylymı ınstıtýtta mundaı tehnologııa buryn belgisiz bolǵanyn jáne ǵalymdar ujymynyń biregeı jasalymy ekenin aıtady.
«Qaldyqtardy temperatýralyq óńdeý kezinde biz arnaıy ádisti qoldana otyp, energııa shyǵynyn júz ese tómendetip otyrmyz. Sóıtip, biz munaı men tabıǵı gazdy tutynýdy únemdeýge tıispiz», dep atap óte otyryp, professor jańa tehnologııa qorshaǵan ortaǵa qaýipsiz ekenin málim etti.
Ǵalymdar olardyń jumysyna ókimet oryndary kóńil aýdarar degen úmitte.
