Bolathan Taıjan memleketke, ultqa, halyqqa qyzmet etýdegi eńbegi jaǵynan Alashorda arystarynyń qatarynda tur - S. Saparǵalı
ALMATY. 8 naýryz. QazAqparat /Erlik Erjanuly/ - Biz qazir bárimiz fılmniń áserinde otyrmyz. Bul týraly búgin Almatyda asa kórnekti qoǵam qaıratkeri, dıplomat Bolathan Taıjan týraly "Jaınaǵan týyń jyǵylmaı..." dep atalatyn derekti fılmniń tusaýkeserinde aıtyldy.
"Bolathan Quljanuly memleketke, ultqa, halyqqa qyzmet etýde eńbegi jaǵynan HH ǵasyrdyń basyndaǵy Alashorda arystarynyń qatarynda tur dep aıtsam artyq aıtylǵan bolmas edi. Qasynda júrgen kezde bul kisini onsha baǵalap úlgermedik. Qarapaıymdylyǵy men mádenıettiligin áli de túsingen joqpyz. Bul fılmde ol kisiniń úlken tulǵasyn ashýda úlken jumys jasalypty. Bul onyń ómir joly men murasyn zertteý jolyndaǵy úlken istiń bastamasy", - deıdi kásipker Serik Saparǵalı.
Onyń aıtýynsha, búgin kózi tiri bolǵanda 70-ke tolatyn Bolathan Taıjan ómiri men jasaǵan barlyq is-áreketteri arqyly jas urpaqqa úlgi-ónege bola aldy. Onyń ulaǵatty isteri men ónegeli ómir jolyn zertteý jumysy endi ǵana bastaldy. Kósheler men kitaphanalarǵa esimi berilip, eskertkishiniń boı kóterer kezi aldaǵy kúnniń enshisinde qalyp otyr.
