Bolatbek pen Muhtar tikeleı efırde jekpe-jek aıtysqa shyǵýy múmkin
ASTANA. QazAqparat - Aıtys dúldúlderi Muhtar Nııazov pen Bolatbek Orazbaev tikeleı efırde ýaqyty shekteýsiz jekpe-jek aıtysqa shyǵýy múmkin. Bul týraly Júrsin Erman Feısbýktegi óz paraqshasynda habarlady.
«Bárińe! Aýrýxanada jatyrmyn. Bitelip qalǵan qan tamyrlaryma ota jasamaqshy. Osydan aman shyqsam bir josparym bar:
Altyn dombyra týraly ártúrli áńgime aıtyldy ǵoı. Anyǵy Allaǵa aıan. Bolatbek pen Muxtardyń arasynda ýaqyty shekteýsiz jekpe jek aıtys ótkizgim keledi. Tikeleı efırde. Kórsetilimdi qaı telearna moınyna ala alady? Demeýshi bolǵysy keletinder bar ma? Tórelikti xalyq jasasa qaıter edi? Qandaı jolmen?» - dep jazǵan Qazaqstan aıtys aqyndary men jyrshy termeshilerdiń halyqaralyq odaǵynyń tóraǵasy Júrsin Erman.
Odan bólek aıtys janashyry jurtty «Altyn dombyra» jyr dodasyndaǵy sheshim týraly alyp-qashpa áńgimeni doǵaryp, eki aqynnyń jekpe-jek aıtysyn ótkizýge qol ushyn sozýǵa shaqyrǵan:
«...Aqyl qosyńdar. Pikir aıtyńdar. Syrttan synaı berý ońaı ǵoı. Іshinde bolyńdar. Ult ónerine shyn janashyr bolsańdar, sońynan judyryq bilep árkimdi ǵaıbattaǵansha, qazir kómekke kelińder» degen.
Sóz sońynda ol halyqtan tez saýyǵyp, oıdaǵy isin júzege asyrý úshin tilektes bolýyn suraǵan. «Jobany júzege asyrý úshin meniń ólip qalmaýym kerek, duǵalaryńa qosa júrińizdershi. Qurmetpen ......», dep aıaqtalady jazba.
Aıta keteıik, Almatyda ótken «Altyn dombyra» aıtysynda halyq tóreshilerdiń sheshimine narazylyq bildirip, shýlap ketken edi. Sahnaǵa kóterilgen qala ákimi Baýyrjan Baıbek halyqqa basý aıtyp, bas júlde qyzylordalyq Muhtar Nııazovqa berilgen bolatyn. Al Almatynyń arda aqyny Bolatbek Orazbaev birinshi oryndy ıelengen edi.
Keıin osy daýǵa qatysty Aıbek Qalıev «Altyn dombyra» aıtysy el arasyna iritki salatyn bolsa, ony ótkizbeı-aq qoıý kerek degen pikir aıtqan.
Odan soń 8 jeltoqsan kúni Bolatbek aqyn bul daýǵa ózi núkte qoıǵan bolatyn.
