Bolat Jámishev «Qazaqstan halqyna» qory nege ekologııalyq jobalardy qoldamaıtynyn túsindirdi

ASTANA. QazAqparat – «Qazaqstan halqyna» qorynyń tóraǵasy Bolat Jámishev BAQ ókilderimen ótken baspasóz konferentsııasynda ekologııalyq jobalardy qoldaýǵa nege aqsha bólmeıtinderin túsindirdi, dep habarlaıdy QazAqparat tilshisi.

«Biz qandaıda bir baǵdarlamany qoldaý úshin onyń ıgiligin kóretin aqyrǵy benefıtsıardyń kim bolatyny túsinikti bolýy shart. Ekologııa desek, birden Almaty, Temirtaý, las aýa degender aıtylady. Sonda bizge jylý-elektr-ortalyqtaryn gazǵa kóshirýmen aınalysý kerek pe? Ekologııanyń qaıyrymdylyq jobasy retinde qurylymdaý múmkin emes. Onyń ıgiligin kórýshilerdi naqty toptaý qıyn», - dedi Bolat Jámishev.

Sondaı-aq, atalǵan sharada qor qyzmetkerleriniń ortasha aılyǵy qansha ekeni aıtyldy.

Ákimshilik shyǵyndar týraly aıtsaq, byltyrǵymen salystyrǵanda biz ósip qaldyq. Byltyr 25 adam bolsa, bıyl 47 adam jumys isteıdi. Ótken jyl qalyptasý jyly boldy. 25 baǵdarlamany bekittik. Sondyqtan adamdar kerek boldy. Deı turǵanmen bizdiń aldymyzda ákimshilik shyǵyndy ósirmeý týraly mindet bar. Shtat sany ishki aýdıt qyzmeti paıda bolýyna baılanysty da artty - 2 adam aldyq. Ortasha aılyq boıynsha byltyrǵy kórsetkish tústi. Byltyr ortasha aılyq kólemi 565 myń teńge bolsa, bıyl 390 myń teńge»,- dedi qordyń basqarýshy dırektory Sofııa Aısaǵalıeva.