Bolat Jámishev Qazaqstan Damý bankiniń tóraǵasy bolyp taǵaıyndaldy

ASTANA. QazAqparat - Búgin Aqordada ótip jatqan Úkimettiń keńeıtilgen otyrysynda atqarýshy bıliktiń jańa qurylymyna qatysty Prezıdent N. Nazarbaev osyndaı sheshim qabyldady.

«Biriktirilgen mınıstrlikter, qysqaryp jatqan mınıstrler olardyń jumysynda esh kiná joq. Úkimet meniń tapsyrmam boıynsha olardy jumysqa ornalastyrady. Al buryn mınıstr bolyp, endi orynbasarlyqqa taǵaıyndalǵandar ózderi buryn atqaryp kelgen qyzmetteriniń bóligin jalǵastyrady»,- dedi N. Nazarbaev.

Sonymen qatar, N. Nazarbaev óńirlik damý mınıstri bolǵan Bolat Jámishevtiń Qazaqstannyń Damý Bankine taǵaıyndalatynyn atap ótti. «Kelisseńiz, Qazaqstannyń Damý bankine basshylyq jasańyz», - dedi Elbasy.

Toqtala ketetin jaıt, endi Úkimet 12 mınıstrlik pen otyzǵa tarta komıtetten turatyn bolady.