Bolat Tókejanov Eńbek mınıstrligi apparatynyń basshysy bolyp taǵaıyndaldy
QR Eńbek jáne halyqty áleýmettik qorǵaý mınıstri buıryǵymen Bolat Tókejanov vedomstvo apparatynyń basshysy qyzmetine taǵaıyndaldy, dep habarlaıdy Kazinform Premer-Mınıstrdiń baspasóz qyzmetine silteme jasap.
Bolat Tókejanov 1972 jyly Shyǵys Qazaqstan oblysynda dúnıege kelgen.
Qazaq Memlekettik basqarý akademııasyn, QR Prezıdentiniń janyndaǵy Memlekettik basqarý akademııasynyń Ulttyq memlekettik saıasat mektebin bitirgen.
Eńbek jolyn 1989 jyly ShQO Ulan aýdany «Obýhovskıı» sovhozynyń jumysshysy bolyp bastaǵan.
1994 jyly Shyǵys Qazaqstan oblystyq salyq ınspektsııasy syrtqy ekonomıkalyq qyzmet bóliminiń salyq ınspektory boldy.
1995-1996 jyldary – Shyǵys Qazaqstan oblystyq salyq ınspektsııasynyń birlesken sheteldik kásiporyndarǵa salyq salý sektorynyń aǵa ınspektory.
1996-1997 jyldary – Mindetti medıtsınalyq saqtandyrý qorynyń Shyǵys Qazaqstan oblystyq bóliminiń qarjy-ekonomıkalyq bóliminiń jetekshi mamany.
1997-1999 jyldary – Mindetti medıtsınalyq saqtandyrý qorynyń Shyǵys Qazaqstan oblystyq bólimi Qarjy basqarmasynyń basshysy - dırektordyń orynbasary.
1999-2000 jyldary – Medıtsınalyq qyzmetterge aqy tóleý ortalyǵynyń Shyǵys Qazaqstan oblystyq bólimshesinde basshylyq qyzmetterdi atqardy.
2000 j. – «Densaýlyq» RMQK Shyǵys Qazaqstan oblystyq fılıalynyń dırektory.
2001-2003 jyldary – ShQO «Aqparattyq-medıtsınalyq ortalyǵy» MM dırektory.
2003-2013 jyldary – QR Densaýlyq saqtaý mınıstrliginiń qurylymynda basshylyq laýazymdarda jumys istedi.
2013-2014 jyldary – QR Densaýlyq saqtaý vıtse-mınıstri.
2014-2017 jyldary – Densaýlyq saqtaý jáne áleýmetitk damý mınıstrligi men Dúnıejúzilik bank jobasynyń «QR Densaýlyq saqtaý sektorynda tehnologııalardy berý jáne ınstıtýtsıonaldyq reforma júrgizý» ulttyq úılestirýshisi (jetekshisi).
2017-2019 jyldary – Qazaqstan Respýblıkasy Densaýlyq saqtaý mınıstrliginiń jaýapty hatshysy.
2019-2020 jyldary – Densaýlyq saqtaý jáne áleýmetitk damý mınıstrligi men Dúnıejúzilik banktiń «Áleýmettik medıtsınalyq saqtandyrý» jobasynyń ulttyq úılestirýshisi (jetekshisi).
2020 jyldyń shildesinen 2022 jyldyń qańtaryna deıin «Áleýmettik medıtsınalyq saqtandyrý qory» KEAQ Basqarma tóraǵasy boldy.
2022 jyldyń shildesinen osy ýaqytqa deıin QR Ǵylym jáne joǵary bilim mınıstrliginiń apparat basshysy qyzmetin atqardy.
Buǵan deıin QR EHÁQM apparatynyń basshysy bolǵan Anarhan Dıýsenova qyzmetinen bosatyldy.
