Bolat Tilepov elimizde tirkelgen úkimettik emes uıym jaıynda aıtyp berdi
«Azamattyq qoǵam ókilderiniń halyqtyń jalpy áleýmettik-ekonomıkalyq jaǵdaıyn jaqsartýǵa qatysýy memlekettik múdde. Bul týraly Prezıdent Joldaýda erekshe atap ótken bolatyn. Qazirgi kezde elimizde 22 myńnan astam úkimettik emes uıym tirkelgen. Onyń ishinde 16 myńy is júzinde eńbek etse, 5 myńnan astamy belsendi uıym qataryna kiredi. Olardyń barlyǵyna da memleket jyl saıyn bóletin áleýmettik tapsyrystar, granttar men qarjylaı syıaqylar tolyǵymen qoljetimdi», - dedi vıtse-mınıstr vedomstvonyń keńeıtilgen alqa májilisinde.
Máselen, byltyr qoǵamdyq uıymdardyń qatysýymen elimiz boıynsha 1 250-den asa áleýmettik joba iske asty. 100 degen uıym ári qaraı damýǵa múmkindik alsa, 38 qoǵamdyq uıymǵa qarjylaı syılyqaqy berildi.
«2020 jyl elimizdiń azamattyq qoǵamy úshin mazmundy boldy. Eń mańyzdysy, osy saladaǵy basty strategııalyq qujat - eldegi úkimettik emes sektordy damytýdyń jańa vektoryn qamtıtyn 2020-2030 jyldarǵa arnalǵan «Azamattyq qoǵamdy damytý kontsentsııasy» qabylandy. Osy oraıda Úkimet qaýlymysymen osy tujyrymdamany iske asyrý jónindegi is-sharalar jospary bekitildi», - dedi B. Tilepov.
Onyń sózine qaraǵanda, jalpy josparda birinshi kezeńde iske asyrylatyn 5 negizgi baǵyt boıynsha 33 is-shara qamtyldy. Dálirek aıtqanda, azamattyq qoǵam damýyn quqyqtyq jetildirý, azamattyq belsendilikti damytý jáne qoldaý, sondaı-aq turǵyndardyń memlekettik basqarýǵa qatysýǵa keńinen tartý sııaqty qadamdar eskerilgen.
