Bolat Syzdyqovty Almaty jurtshylyǵy 10 mamyrda sońǵy saparǵa shyǵaryp salady
ASTANA. QazAqparat - Belgili prodıýser, «Mıýzıkola» tobynyń negizin qalaýshy Bolat Syzdyqovpen qoshtasý Almatyda 10 mamyrda saǵat 11.00-de ótedi, dep habarlady Facebook-tegi mýzykanttyń jeke paraqshasynda.
Qoshtasý rásimi Almatyda Jambyl atyndaǵy Qazaq memlekettik fılormonııasynda saǵat 11.00-de ótedi.
«Qazaq mádenıeti men óneri orny tolmas qazaǵa ushyrady. 2016 jylǵy 7 mamyrda 60 jasqa qaraǵan shaǵynda belgili mýzykant, kompozıtor, eńbek sińirgen óner qaıratkeri Bolat Muratuly Syzdyqov dúnıeden ozdy. Kórnekti óner qaıratkeri týystarynyń, dostarynyń, áriptesteriniń júrekterinde máńgi saqtalatyn bolady. Bolat Syzdyqovtyń qaıtys bolýyna oraı týystaryna, dostaryna, jaqyndaryna qaıǵylaryna ortaqtasyp, kóńil aıtamyz», - delingen QR Mádenıet jáne sport mınıstrligi baspasóz qyzmetiniń habarlamasynda.
Budan buryn habarlanǵandaı, Bolat Syzdyqov 7 mamyrda Almatyda 60-qa qaraǵan shaǵynda mezgilsiz dúnıeden ótti. Ólimine uıyǵan qannyń jarylýy sebep bolǵan.
Qazaqstandyqtar Facebook áleýmettik jelisindegi B. Syzdyqovtyń paraqshasyna jappaı kóńil bildirýde.
2012 jylǵy 5 jeltoqsanda QR Prezıdentiniń Jarlyǵymen Bolat Syzdyqovqa Qazaqstannyń eńbek sińirgen óner qaıratkeri qurmetti ataǵy berilgen.
