Bolat Sámbetov: Bırja arqyly satylǵan 500 myń tonna kómirdiń baǵasy bıyl qymbattamaıdy

NUR-SULTAN. QazAqparat – QR Básekelestikti qorǵaý jáne damytý agenttigi tóraǵasynyń orynbasary Bolat Sámbetov ortalyq kommýnıkatsııalar qyzmetinde ótken brıfıngide kómir baǵasynyń qubylýyna qatysty pikir bildirdi, dep habarlaıdy QazAqparat tilshisi.

«Kommýnaldyq-turmystyq maqsattaǵy kómirdiń 10 paıyzy bırja arqyly satylýy kerek. Bırja komıtetiniń jazylǵan erejesi bar. Ol boıynsha atalǵan Bul bırjaǵa tek temirjol tuıyqtary bar paıyz kómirdiń bırjasyna kompanııalar temirjol tuıyǵy bar kompanııalar ǵana qatysa alady. ıAǵnı, temirjol tuıyǵy barlar tikeleı halyqqa kómir sata alady. Osy isti baqylaý úshin ákimdikterdi tarttyq. Ákimdikter ózderindegi jumys istep turǵan temirjol tuıyqtarynyń tizimin berdi. Osy arqyly alyp satqysh deldaldardyń áserin azaıtý kózdelgen», - degen agenttik ókili jyldyń ortasynda osy bırjadaǵy saýda iske qosylǵanyn eske saldy.

«Respýblıka boıynsha 200 temirjol tuıyǵy qatysyp, akkredıtteldi. Bıyl josparlanǵan 500 myń tonanyń 200 myńy satyldy. Bizdiń mamandar osy saýdaǵa qatysqa árbir temirjol tuıyǵyna baryp, baǵa týraly josparlaryn bilip qaıtty. Onyń ıeleri tikeleı óndirýshiden alsa, áldeqaıda arzan ekenine kóz jetkizip otyr. Bıyl osy 10 paıyz kómir boıynsha qymbatshylyq bolmaıdy degen boljam bar. Jyl aıaǵynda kelesi jyldyń bırjadaǵy saýdasy bastalady. Bul taǵy 500 myń tonna degen sóz. Bul elge qajetti kómirdiń 10 paıyzy ǵana. Qalǵan 90 paıyz kómir kómir aıyryqtarynyń qalaýy boıynsha satylyp jatyr, Nemese ózara bırja arqyly nemese kelisimshart boıynsha satylady», - deıdi Bolat Sámbetov.

Onyń sózine qaraǵanda, bırja arqyly satylǵan kómirdiń óńirlerge burmalaýsyz baǵyttalýyn Básekelestikti qorǵaý jáne damytý agenttigi qadaǵalamaq.

«Temirjol tuıyǵy dep otyrǵanymyz, jalpaq tilmen aıtqanda, qoıma deýge bolady. Qazir óalyqtyń sol qoımalardan kómirdi tikeleı satyp alýyna bolady. Básekelestikti qorǵaý jáne damytý agenttigi bırja arqyly satylǵan kómirdiń óńirlerge baǵyttalýyn qadaǵalaıdy. Ákimdiktermen jumys istep jatyrmyz. Olarǵa jergilikti oryndarda baǵanyń bassyz ósýine jol bermeý kerektigi aıtylǵan. Temirjol tuıyǵyna kelgen kómirdi onyń ıesi halyqqa aqylǵa qonymdy baǵamen satý kerek. Bul jerde baǵaǵa qosylatyn ústeme óreskel bolmaýǵa tıis. Bizdiń jergilikti departament ókilderi ár óńirdegi temirjol tuıyqtarynda bolyp qaıtty. Bırja arqyly satylǵan paıyz kómirdiń qymbattaýyn kútip otyrǵan joqpyz», - dedi agenttik tóraǵasynyń orynbasary.