Bolat Ótemuratovtyń qory sý tasqynynan zardap shekkenderge 680 mln teńge qarajat bóldi

ASTANA. KAZINFORM – Qor dırektory Marat Aıtmaǵambetov sý tasqynynan zardap shekken el turǵyndaryna kómek kórsetý úshin 680 mln teńge beriletinin aıtty.

«Sońǵy kúnderi biz mıllıondaǵan otandasymyz sııaqty úı-múlkinen aıyrylyp, sý tasqynynan zardap shekken óńirlerdiń turǵyndaryna tereń janashyrlyq sezimin bildiremiz. Qarajat birinshi kezektegi qajettilikterdi satyp alýǵa múmkindik beredi degen úmittemiz. Qıyn kúnderden aman ótińizder», - dedi Marat Aıtmaǵambetov.

Bolat Ótemuratov atyndaǵy qor tabıǵı jáne tehnogendik sıpattaǵy tótenshe jaǵdaılardan zardap shekken qazaqstandyqtarǵa júıeli túrde kómek kórsetetinin atap ótken jón.

Aıta keteıik, byltyr Bolat Ótemuratov qory Túrkııada zilzaladan zardap shekkenderge 5 mln dollar bólgen bolatyn.