Bolat Ótemuratov qory Túrkııada zilzaladan zardap shekkenderge 5 mln dollar bóldi

ASTANA. QazAqparat – Túrkııa Respýblıkasynyń Astanadaǵy elshiligi Bolat Ótemuratov qoryna Túrkııadaǵy jer silkinisinen zardap shekkenderge kómek kórsetkeni úshin alǵys bildirdi, dep habarlaıdy QazAqparat.

B. Ótemuratov qory Túrkııanyń Tótenshe jaǵdaılar basqarmasyna (AFAD) 5 mıllıon dollar kóleminde qarajat bólgen.

«Biz baýyrlas halyqtarymyzdyń yntymaqtastyǵy men ózara kómek kórsetýdiń úzdik dástúrlerindegi osy mańyzdy jáne ýaqytyly qoldaýdy joǵary baǵalaımyz», - dep atap ótti elshi Mustafa Kapýdjý.

Buǵan deıin Túrkııa prezıdenti Rejep Taııp Erdoǵan QR Prezıdenti Qasym-Jomart Toqaevtyń atyna alǵys hat joldaǵan edi.

«Qazaqstannyń bergen járdemi zilzalanyń aýyr saldarymen kúres kezinde halqymyzǵa zor qoldaý boldy», - dedi Túrkııa prezıdenti.