Bolat Ótemuratov Qazaqstan Tennıs federatsııasynyń prezıdenti bolyp qaıta saılandy
ASTANA. 7 jeltoqsan. QazAqparat /Rýslan Ǵabbasov/ - Bolat Ótemuratov Qazaqstan Tennıs federatsııasynyń prezıdenti bolyp qaıta saılandy. 6-7 jeltoqsan aralyǵynda elordada osy federatsııanyń eseptik konferentsııasy ótip jatyr.
Bıylǵy qorytyndy konferentsııa barysynda Tennıs federatsııasynyń prezıdenti men vıtse-prezıdentin saılaý sharasy uıymdastyryldy. Qazaqstan Tennıs federatsııasynyń basshylary 4 jylda bir ret saılanady jáne kandıdattardy irikteýde QTF fılıaldarynyń dırektorlary daýys berý arqyly tańdaıdy. Osy turǵyda biraýyzdan Bolat Ótemuratov aldaǵy 4 jylǵa QTF prezıdenti bolyp qaıta saılandy. Sonymen qatar Ádil Bórlibaev vıtse-prezıdent bolyp bekitildi.
