Bolat Nazarbaevtyń úlesindegi Qordaı aýdanyndaǵy bazardyń jeri memleketke qaıtaryldy

TARAZ. KAZINFORM — 2004 jyly Qordaı aýdany ákimdiginiń jáne Qordaı aýyldyq okrýgi ákiminiń aktilerimen B. N. Nazarbaevqa tıesili «Qarasaı BN-Taraz» JShS-ǵa «Barys-2» saýda keshenine qyzmet kórsetý úshin aýdany 34,3017 ga ýchaske berilgen.

Jambyl oblysynyń prokýratýrasy ýchaskeni berý kezinde onyń tártibi buzylǵanyn málimdedi.

«Atap aıtqanda aýyl sharýashylyǵy maqsatyndaǵy erekshe qorǵalýǵa jatatyn aýdany 22,25 ga sýarmaly egistik jerdiń bir bóligi bazarǵa qyzmet kórsetý úshin berilgen. Osyǵan baılanysty aýdan prokýratýrasy aýdan jáne aýyldyq okrýg ákimdikteriniń aktilerin, satyp alý-satý sharttaryn jaramsyz dep taný jáne kúshin joıý týraly sotqa talap qoıý berdi.

Jambyl oblystyq sotynyń azamattyq ister jónindegi sot alqasynyń 2023 jylǵy 28 jeltoqsandaǵy qaýlysymen «Qarasaı BN-Taraz» JShS-men Qordaı aýdany ákimdiginiń Jer qatynastary bólimi arasyndaǵy 24.07.2007 jylǵy № 81 jáne № 82 jer ýchaskelerin satyp alý-satý, jer ýchaskelerin óteýsiz berý týraly «Qordaı Invest» JShS-nyń barlyq sharttary jaramsyz dep tanylyp, kúshteri joıyldy», — dep jazdy baqylaýshy organnan.

Sot qaýlysy 2023 jylǵy 28 jeltoqsanda zańdy kúshine engen, jer ýchaskelerine memlekettik aktilerdiń kúshi joıyldy.