Bolat Nazarbaev ómirden ozdy
Bolat Nazarbaev ómirden ozdy, dep habarlaıdy Kazinform.
Qaraly habardy Almatydaǵy Ortalyq klınıkalyq aýrýhanasy rastady.
«2023 jyldyń 13 qarashasynda saǵat 09.51-de Bolat Nazarbaev qaıtys boldy»,- dep habarlady Prezıdent Іs basqarmasy Ortalyq aýrýhanasynyń baspasóz qyzmetinen.
Sondaı -aq aqparatty Tuńǵysh Prezıdenttiń baspasóz hatshysy Aıdos Úkibaı Twitter-degi óz paraqshasynda rastady.
«71 jasqa qaraǵan shaǵynda sozylmaly aýyrýdyń saldarynan QR Tuńǵysh Prezıdenti Nursultan Nazarbaevtyń týǵan inisi Bolat Ábishuly Nazarbaev dúnıeden ozdy»,- dep jazdy ol.
Bolat Nazarbaev 1953 jyly 23 naýryzda týǵan.
1973-1988 jyldary «Shamalǵan» keńsharynda mehanık, aǵa mehanık, brıgadır, dırektordyń orynbasary bolǵan.
1988-1989 jyldary – Qaskeleń qalasy nan zaýyty dırektorynyń orynbasary.
1989 jyldan 1992 jylǵa deıin kásipkerlikpen aınalysqan.
«Inkar Agro» JShS-nyń vıtse-prezıdenti, BN Invest holdınginiń dırektory qyzmetin atqardy.
Sonymen qatar, «Salıqaly urpaq» qaıyrymdylyq uıymyn qurdy.
Buǵan deıin Bolat Nazarbaevtyń aýrýhanaǵa túskeni jáne onyń jaǵdaıy aýyr ári turaqsyz ekeni aıtylǵan bolatyn.
