Bolat Meshelov BQO statıstıka departamentine basshy boldy
ORAL. KAZINFORM — Bolat Meshelov QR Strategııalyq josparlaý jáne reformalar agenttigi ulttyq statıstıka bıýrosy BQO boıynsha departamentiniń basshysy bolyp taǵaıyndaldy.
BQO statıstıka departamentinen túsken málimetke qaraǵanda, Bolat Tileýǵabyluly 1981 jyly dúnıege kelgen.
Bilimi joǵary, 2009 jyly Ortalyq Azııa ýnıversıtetin, 2014 jyly S.Amanjolov atyndaǵy Shyǵys Qazaqstan memlekettik ýnıversıtetin qarjy, memlekettik jáne jergilikti basqarý mamandyqtary boıynsha bitirgen.
Eńbek jolyn 2003 jyly Maqanshy aýdandyq aýrýhanasynyń júrgizýshisi bolyp bastaǵan.
2006-2007 jyldary «Ere-Herkıýl» JShS júrgizýshisi, 2007-2008 jyldary Shyǵys Qazaqstan oblysy statıstıka basqarmasynyń aýyl sharýashylyǵy sanaq mamany, ShQO dene shynyqtyrý jáne sport basqarmasy voleıbol klýbynyń konsýltanty, osy basqarmanyń júrgizýshisi qyzmetterin atqardy.
2009-2014 jyldary «Dom Okon» JShS dırektory, ShQO statıstıka jónindegi esepteý ortalyǵynyń sharýashylyq meńgerýshisi, ShQO statıstıka departamenti qyzmet kórsetý salasy statıstıkasy basqarmasynyń jetekshi mamanynyń mindetin atqarýshy, jetekshi mamany, atalmysh departamenttiń tirkelimder basqarmasynyń bas mamany boldy.
Sondaı-aq 2014 jyldan bastap Aıagóz aýdany statıstıka basqarmasynyń basshysy, Semeı qalasy statıstıka basqarmasynyń basshysy, ShQO statıstıka departamenti basshysynyń orynbasary qyzmetinde boldy.
