Bolat Majaǵulov 8,5 jylǵa sottaldy

ASTANA. KAZINFORM – Elordada Astana qalasynyń Mádenıet basqarmasynyń burynǵy basshysy Bolat Majaǵulov pen onyń sybaılasyna sot úkimi shyqty.

- Bolat Majaǵulov Qylmystyq kodekstiń 189-baby 4-tarmaǵynyń 2-bóliginde kózdelgen qylmystyq quqyq buzýshylyq jasaǵany úshin kináli dep tanylyp, 8 jyl 6 aı merzimge bas bostandyǵynan aıyrý jazasy taǵaıyndalsyn, - degen úkim shyǵardy Astana qalasynyń qylmystyq ister jónindegi aýdanaralyq sotynyń sýdıasy Ásel Muqasheva.

Sondaı-aq Bolat Majaǵulov ómir boıy memlekettik qyzmet etý quqyǵynan aıyryldy.

Aıta ketsek, elordanyń Mádenıet basqarmasynyń burynǵy basshysy jazasyn qaýipsizdigi ortasha mekemede óteıdi.

Eske sala ketsek, elordanyń Mádenıet basqarmasynyń burynǵy basshysy Bolat Majaǵulov byltyr kúzde ustaldy. 

Qarjylyq monıtorıng agenttigi Astana qalasynyń Mádenıet basqarmasynyń burynǵy basshysy men merdiger uıym ókilderine qatysty asa iri kólemde bıýdjet qarajatyn (1 mlrd teńge) jymqyrý kúdigine ilikkenin habarlady.

Urlanǵan qarajattyń kólemi 1 mlrd teńgeden asyp otyr. Kúdikti, Astana qalasynyń Mádenıet basqarmasynyń burynǵy basshysy ustalyp, ýaqytsha ustaý ızolıatoryna qamaldy. Tergeý aıasynda onyń múlkine tyıym salyndy.

Onyń ishinde 3 kommertsııalyq nysan, 2 avtoturaq orny jáne Astana qalasyndaǵy premıým sanattaǵy páter bar.

Atalǵan is boıynsha kúdiktilerge tıesili 572 mıllıon teńgeniń múlkine shekteý qoıyldy.