Bolat qylysh ustaǵan babalarymyz metallýrgııa ónerin bilgendigi aqıqat - Qoılybaı Asanuly
«Táýelsizdiktiń alǵashqy jyldarynda prezıdentimiz jas memlekettiń aıaǵynan tik turyp, qalyptasyp ketýi úshin eldiń áleýmettik - turmystyq, saıası -ekonomıkalyq salasyn basty nazarda ustaǵany belgili. Mine, sodan beri shırek ǵasyrdan astam ýaqyt ótti. El eńsesin kóterip, etek-jeńin jınap, damyǵan otyz eldiń qatarynda bolý sııaqty asyl murattar jolyna shyqqan sátinde «Mádenı mura», «Bolashaqqa baǵdar: rýhanı jańǵyrý» ıdeıalary halqymyzdy rýhanı turǵydan qanattandyryp, bir serpiltkeni ras. «Óshkenimiz janyp, ólgenimiz tirilgendeı» ǵasyrlar qoınaýynda qalǵan rýhanı qundylyqtarymyzben qaıta qaýysha bastadyq», - deıdi Qoılybaı Asanuly.
Odan ári professor Elbasynyń «Uly dalanyń jeti qyry» atty maqalasy joǵaryda keltirilgen izgi murattardy odan saıyn jandandyryp, jalǵastyra túsetinin esenimin bildiredi sózsiz: «Bul týraly prezıdentimiz N.Á.Nazarbaevtyń ózide qortyndy sózinde jaqsy aıtyp ótken: «Osydan bir jarym jyl buryn meniń «Bolashaqqa baǵdar: rýhanı jańǵyrý» atty baǵdarlamalyq maqalam jaryqqa shyqty. Joǵaryda atalǵan jobalardy «Rýhanı jańǵyrý» baǵdarlamasynyń jalǵasy retinde qarastyramyn. «Rýhanı jańǵyrý» jalpyulttyq baǵdarlamasynyń jańa komponentteri ata-babalarymyzdyń kóp ǵasyrlyq murasynyń tsıfrlyq órkenıet jaǵdaıynda túsinikti ári suranysqa ıe bolýyn qamtamasyz ete otyryp, ony jańǵyrtýǵa múmkindik beredi. Tól tarıhyn biletin, baǵalaıtyn jáne maqtan etetin halyqtyń bolashaǵy zor bolady dep senemin. Ótkenin maqtan tutyp, búginin naqty baǵalaı bilý jáne bolashaqqa oń kózqaras tanytý - elimizdiń tabysty bolýynyń kepili degenimiz osy».
Qoılybaı Asanulynyń sózinshe, maqalanyń qundylyǵy - ult tarıhyndaǵy keńistik pen ýaqyt ólshemindegi adamzattyq órkenıettiń alǵashqy bastaýlaryn biz meken etip otyrǵan Uly dala topyraǵymen baılanystyra qaraýy. Elbasymyz saralap bergen uly dalanyń jeti qyry, kóshpeli dala órkenıetin dóp basyp, saralap bergen. Salt atqa mingen dala perzenti qusbegilik, ańshylyq saıatkerligimen ǵana emes, sondaı-aq, onyń qara jerdiń qazynasyn da tanı bilgen qasıeti, ilim-bilimnen habary mol bolǵanyn meńzeıdi. Ústine altynnan saýyt kıgen, qolyna bolattan qylysh ustaǵan babalarymyz ejelgi metallýrgııa ónerin bilgendigi aqıqat.
Ásirese, Elbasy N.Á.Nazarbaevtyń myna bir pikirleri maqalanyń mazmunyn ǵana emes, maqsatynan da birshama habardar etip turǵandaı: «Kópqyrly ári aýqymdy tarıhymyzdy durys túsinip, qabyldaı bilýimiz kerek. Biz basqa halyqtardyń rólin tómendetip, ózimizdiń ulylyǵymyzdy kórseteıin dep otyrǵanymyz joq. Eń bastysy, biz naqty ǵylymı derekterge súıene otyryp, jahandyq tarıhtaǵy óz rólimizdi baıyppen ári durys paıymdaýǵa tıispiz.»
«Árıne, bul Elbasy N.Á.Nazarbaevtyń «Uly dalanyń jeti qyry» atty maqalasyn oqyǵandaǵy alǵashqy áserimiz. Maqalanyń ózektiligi, rýhanı qajettiligi ár adamnyń sanasyna oı salary sózsiz», - deıdi ol.
