Bolat Kúreńbekov Almaty oblysy ákiminiń orynbasary boldy

QONAEV. KAZINFORM – Almaty oblysy ákiminiń ókimimen jáne Prezıdent Ákimshiliginiń kelisimi boıynsha Bolat Kúreńbekov Almaty oblysy ákiminiń orynbasary qyzmetine taǵaıyndaldy.

Bolat Qaıratuly 1977 jyly týǵan, qazaq, bilimi joǵary, 2000 jyly Qazaqstan Respýblıkasy Ulttyq qaýipsizdik komıteti akademııasyn «quqyqtaný», 2019 jyly І. Jansúgirov atyndaǵy Jetisý memlekettik ýnıversıtetin «memlekettik jáne jergilikti basqarý», 2021 jyly І. Jansúgirov atyndaǵy Jetisý ýnıversıtetin «quqyqtaný» mamandyqtary boıynsha bitirgen.

Eńbek jolyn 2000 jyly Qazaqstan Respýblıkasy UQK Pavlodar oblysy boıynsha departamenti basqarmasynyń memlekettik qyzmetshilerdi tekserý jónindegi toptyń jedel ýákili bolyp bastaǵan.

Ár jyldary Qazaqstan Respýblıkasy UQK Pavlodar, Almaty oblystary, Almaty, Astana qalalary boıynsha departamentterinde, QR UQK tóraǵasy apparatynyń basshylyq laýazymdarynda qyzmet atqarǵan.

2021 jyldyń qazan aıynan Qazaqstan Respýblıkasy UQK Qostanaı oblysy boıynsha departamenti bastyǵynyń birinshi orynbasary boldy.

Osyǵan deıin Almaty oblysyndaǵy Báıterek aýyly qalaǵa qosylýy múmkin ekenin jazdyq.