Bolat Baqaýov jumys saparymen Reseıdiń Túmen oblysynda júr
ASTANA. QazAqparat - Pavlodar qalasynyń delegatsııasyn bastaǵan Soltústik Qazaqstan oblysynyń ákimi Bolat Baqaýov 4-5 sáýir kúnderi Reseıdiń Túmen oblysynda bolady, dep habarlaıdy pavlodarnews.kz.
Túmen oblysy ekonomıkasynyń ereksheligi - damyǵan munaı óńdeý jáne munaı-hımııalyq sala, kómir men temir rýdasynyń ken orny, agroóndiristik keshen.
Túmende osy baǵytta yntymaqtastyq keleshegin anyqtaý maqsatynda eki óńir basshysy men bıznes ókilderiniń kezdesýi ótedi. Pavlodarlyq delegatsııa jetekshi ónerkásip nysandary - Antıpın munaı óndirý zaýyty men «Elektrostal Tıýmenı» metallýrgııalyq zaýytyn aralaıdy.
Pavlodarlyqtar agroóndiristik keshender - «Túmen sút fermasy» men «ıÝbıleınyı» agroholdınginde bolady. Budan keıin eki oblystyń ákimderi Bolat Baqaýov jáne Vladımır ıAkýshevtyń resmı kezdesýi ótedi.
Túmen-Qazaqstan iskerlik dostyǵyn damytýǵa árekettestik ortalyǵynda Túmen oblysy qazaqtarynyń ulttyq-mádenı avtonomııasynyń basshysy Esenǵalı Ybyraevpen kezdesý ótedi. S. Toraıǵyrov atyndaǵy Pavlodar memlekettik ýnıversıtetiniń ókilderi Túmen memlekettik ýnıversıteti, munaı-hımııa ýnıversıteti, bıotehnologııa jáne veterınarlyq medıtsına ınstıtýtyndaǵy áriptesterimen júzdesetini josparlanǵan.
Budan bólek, Pavlodar oblysynyń týrıstik áleýeti tanystyrylady. Reseılik turǵyndar Baıanaýyl taýlaryn kórýge jáne qymyz ishýge, Pavlodar oblysynda densaýlyǵyn nyǵaıtýǵa, Shaldaı qaraǵaıly ormanynda jylqy minip qydyrýǵa shaqyrylmaq.
Sonymen qatar, reseılik áriptesterge ári qaraı «Pavlodar» arnaıy ekonomıkalyq aýmaǵynda óńiraralyq yntymaqtastyq múmkindigin qarastyrý jáne sút ónimderi men bıdaı óńdeý usynylady.
Aıta keteıik, RF Pavlodar oblysynyń basty saýda seriktesi bolyp tabylady. 2017 jylǵy syrtqy saýdasynyń jartysy kórshi elmen (1,4 mln. dollar) jasalǵan.
