Bolat Baqaýov jumys saparymen Altaı óńirine bardy
ASTANA. QazAqparat - Pavlodar oblysynyń ákimi Bolat Baqaýov Altaı óńiriniń gýbernatory Aleksandr Karlınmen kezdesip, birqatar aýylsharýashylyq jáne óndiristik kásiporyndardy aralaıdy, dep habarlaıdy ravlodarnews.kz.
Resmı kezdesý barysynda eki óńir basshylary 2018-2019 jyldarǵa arnalǵan aımaqaralyq josparlarǵa qol qoıady. Keıin pavlodarlyq delegatsııa metall ónimderin daıyndaıtyn «Sıbenergomash - BKZ», aýyl sharýashylyq tehnıkasyn ázirleıtin «AgroTsentr» jáne ósimdik maıy shyǵarylatyn «ıÝg Sıbırı» kásiporyndarynyń jumysymen tanysady. Sonymen qatar, Altaı óńiriniń orta jáne shaǵyn kásipkerikti damytý qoryna barý josparlanǵan. Eki jaqtyń ókilderi ózara kásipkerlik, ınvestıtsııa, orta jáne shaǵyn bıznes, týrızm jaıynda sóz qozǵaıdy.
Túmen oblysyna jasaǵan sapary kezinde Bolat Baqaýov jergilikti qazaq dıasporasymen kezdesken bolatyn. Dál osyndaı júzdesý Altaı óńirinde de oryn alady. Budan bólek aımaq basshysy «Avalman» taý-shańǵy bazasynyń jumysymen tanysady. Sapar kezinde pavlodarlyq delegatsııa altaılyq áriptesterimen agroónerkásip, hımııalyq jáne kólik jasaý keshenderi boıynsha ózara júzege asyratyn jobalardy talqylaıdy. Sondaı-aq, «Pavlodar» arnaıy ekonomıkalyq aımaǵynyń múmkindikteri reseılik áriptesterdiń nazaryna usynylatyn bolady.
