Bolat Baqaýov: Pavlodar ákimi senimdi aqtamady

NUR-SULTAN. QazAqparat - Pavlodar oblysynyń ákimi Bolat Baqaýov qala ákimi Ánýar Kúmpekeevke qatań sógis jarııalady, dep habarlaıdy pavlodarnews.kz.

Bul týraly aımaq basshysy Bolat Baqaýov oblystyq ákimdikte ótken apparat keńesinde aıtty.

- Ánýar Kúmpekeev qymbat páter satyp alýǵa baılanysty bıýdjet qarajatyn tıimsiz jáne ysyrap etkeni úshin sógis aldy, - dedi oblys ákimi. - Soǵan qaramastan, taǵy da qatelikke jol berip, alty mıllıon teńgege eben jıhazyn satyp aldy. Prezıdenttiń bıýdjetten artyq shyǵyndardy jumsaýǵa tyıym salý týraly tapsyrmasyn elemedi. 11 maýsymda oǵan qatań sógis jarııalandy.

Oblys ákimi apparat basshysyna qala ákiminiń mindetterin oryndaý úshin Ermurat Nurhanovtyń atyna ókim jobasyn daıyndaýdy tapsyrdy.

- Ánýar Kúmpekeev saıası memlekettik qyzmetshi retinde senimimdi tolyǵymen aqtamady. Tıisti qujattar Prezıdent Ákimshiligine jiberiletin bolady, - dedi Bolat Baqaýov.