Bolat Baqaýov kásipkerlerge: Uıyqtamańyzdar, múmkindikterdi paıdalaný kerek
NUR-SULTAN. QazAqparat –Ertis óńirinde qoı sharýashylyǵy ekonomıkasyn eseptep, usaq mal ósirýge jáne analyq mal basyn asyldandyrý jáne selektsııalyq jumystarmen aınalysýǵa daıyn sharýalarǵa barynsha qoldaý kórsetedi, dep habarlaıdy pavlodarnews.kz.
Pavlodar oblysynyń ákimi qoı sharýashylyǵyn damytý máselesin taǵy da kóterdi. «Aısha» sharýa qojalyǵynda Baıanaýyl aýdanynyń mal sharýashylyǵymen kezdesý kezinde Bolat Baqaýov eki jyl buryn jergilikti qoı ósirýshilerge kómektesýge tyrysqanyn eske saldy.
«2017 jyly usaq mal ósiretin Baıanaýyl jáne Maı aýdandarynda qoı sharýashylyǵyn qoldaý boıynsha arnaıy óńirlik baǵdarlamany iske qosýdy usyndyq. - Nátıjesinde sharýalar et ótkizýge qatysty ǵana kómekke muqtaj ekenderin aıtty. Biz «Aqoba» JShS et óńdeý zaýytynyń basshylyǵymen kelistik, munda bir keli úshin 1000 teńgeden qoı etin qabyldaıtyn bolyp sheshken. Biraq et jetkizýdiń jyldyq josparyn suraǵanda mal ósirýshiler óz ónimderin tek shilde-qyrkúıek aıyna deıin jetkizýge daıyn ekenderin aıtty. Qandaı et óńdeý zaýyty tek tórt aı jumys isteıdi? Bizge júıeli et daıyndaý qajet, al Baıanaýyl qoı ósirýshileri tek qana jazǵy týrıster men Pavlodar, Ekibastuz jáne Qaraǵandy bazarlaryna baǵyttalǵan»- dedi ákim.
Óńir basshysy aýyl sharýashylyǵy salasy sheneýnikterine qoı sharýashylyǵy ekonomıkasyn zertteýdi tapsyrdy. Budan keıin barlyq aqparatty usaq mal ósirýmen aınalysatyn nemese aınalysýǵa daıyn sharýalarǵa berýge ýáde berdi.
«Uıyqtamańyzdar, búgin usynylyp otyrǵan bar múmkindikterdi paıdalaný kerek. Qazir sýbsıdııalanǵan tehnıkany satyp alýǵa bolady. «Sybaǵa» baǵdarlamasy boıynsha jyldyq 4 paıyzben 15 jylǵa nesıe alýǵa bolady. Mundaı sharttardy qashan alasyz? Satyp alynatyn qoı kepildik bola alady. Qoı sharýashylyǵyn damytý kerek. Endigi ýaqytta kenshiler bola almaısyzdar, temir jolǵa nemese qurylysqa barmaısyzdar. Sizderde tamasha jaıylymdar bar, jaıylymdyq ýchaskelerge qajetti ınfraqurylym júrgiziletindigine senim artýǵa bolady. Osyny qoldanyp qalyńyzdar»- dedi ákim.
Sharýalar Bolat Baqaýovqa basqa másele týraly aıtyp berdi: mal baǵýǵa daıyn adamdar jetispeıdi. - Jalaqydan basqa, biz shopandarǵa turý, tamaqtaný jáne basqa da jaǵdaılardy usynamyz. Degenmen, jaıylymdarda jumys istegisi keletinder az, - deıdi «Aısha» ShQ basshysy Asylbek Qojın.
Sońǵy jyldary Pavlodar oblysynda qoı basynyń ósýi baıqalady. 2019 jyldyń basynda bul kórsetkish ótken jylmen salystyrǵanda 2%-ǵa ósti.
Sonymen qatar, usaq mal basynyń 1,8%-ǵa ósýi
osy jyldyń birinshi jartysynda da tirkeldi. Statıstıka málimetteri boıynsha,
búginde Ertis óńirinde 630 myń qoı bar.
