Bolat Baqaýov: Ertis ózeni túbin tereńdetý boıynsha komıssııa qurylady
NUR-SULTAN. QazAqparat – Ertis ózeniniń túbin tereńdetý máselesi úkimettik deńgeıde sheshiledi. Bul týraly Pavlodar oblysynyń ákimi Bolat Baqaýov aıtty, dep habarlaıdy QazAqparat tilshisi.
«Jaqynda ótken Qazaqstan men Reseıdiń óńirlik yntymaqtastyq forýmynda Omby qalasynyń gýbernatorymen birge Ertis ózeniniń túbin tereńdetý máselesin kóterdik. Bul – jan-jaqty zertteýdi qajet etetin másele. Eń bastysy, mamyr men shilde aralyǵynda ózen toly bolǵanda júk tasymaldaı alamyz. Shilde, tamyz, qazan aılarynda másele qıyndaı túsedi», - dedi B. Baqaýov Ortalyq kommýnıkatsııalar qyzmetinde ótken baspasóz máslıhatynda.
Ákimniń aıtýynsha, ózen túbin tereńdetý máselesin zertteý úshin arnaıy komıssııa qurylady.
«Biz arnaıy komıssııa quramyz. Bizge kemeniń batyp turýy tıis sý kólemi kerek. Sonda ózen arqyly janar-jaǵarmaı tası alamyz. Eń bastysy, bul másele ekonomıkalyq turǵyda Omby oblysyn ǵana emes, Qorǵan qalasyn da qyzyqtyryp otyr. ıAǵnı, jalpy Qazaqstan men Reseı úshin qyzyq taqyryp bolyp otyr. Munymen úkimettik deńgeıde aınalysamyz», - dedi óńir basshysy.
Aıta keteıik, Pavlodar oblysynyń ákimi Bolat Baqaýov elordada 2019 jyldyń 10 aıyndaǵy óńirdiń áleýmettik-ekonomıkalyq damýy týraly esep berdi.
