Bolat Baqaýov áleýmettik dúkenderdiń jumysyn synǵa aldy
ASTANA. QazAqparat - Óńir basshysy Bolat Baqaýov Pavlodarǵa áleýmettik dúkender emes, áleýmettik bazar qajet ekendigi týraly atap ótti, dep habarlaıdy http://pavlodarnews.kz/
«Búginde bizde shynymen de áleýmettik bolyp tabylatyn dúkender joq, - dedi oblys ákimi kásipkerlik, saýda jáne týrızm basqarmasynyń alqa otyrysynda. - "Áleýmettik dúken" degen ataýyn alǵa tartyp, jalǵan mańdaısha arqyly ózine turǵyndardy tartýǵa tyrysady. Shyn máninde ol jerdegi baǵalar qarapaıym halyqtyń qaltasyna saı kelmeıdi. Naýryz aıynyń basynda úkimet áleýmettik mańyzy bar azyq-túliktiń 19 túrinen turatyn tizimdi bekitken. Sondyqtan áleýmettik dúkenderde, shaǵyn marketterde jáne gıpermarkette osy tamaqtardyń baǵasyn baqylap otyrý kerek. Oblystyq kásipkerlik, saýda jáne týrızm basqarmasy basshysynyń orynbasary Oksana Davydenkonyń aıtýynsha, 2010 jyly ashylǵan 10 áleýmettik dúkenniń búginde beseýi ǵana jumys isteıdi. Onyń ishinde Ýspen aýdanyndaǵy áleýmettik saýda núktesi ǵana aýyl sharýashylyǵy ónimderin tikeleı saýdalaıdy.
«Búginde bizge áleýmettik dúkender emes, áleýmettik bazar kerek», - dedi Bolat Baqaýov. «Bul bazarǵa bizdiń áleýmettik-kásipkerlik korporatsııa jetekshilik etý kerek. Eń bastysy, áleýmettik mańyzy bar azyq-túlikke muqtaj adamdardyń qajettiligin eskerý kerek».
