Bolat Aqsholaqov júzege asyrylyp jatqan iri gaz jobalaryn atady
«Energetıka mınıstrligi men «QazaqGaz» ulttyq kompanııasynyń mindetteriniń biri – magıstraldyq gaz qubyrlarynyń turaqty jumysyn qamtamasyz etý. Gaz tasymaldaý júıesiniń ótkizý qýattaryn arttyrý maqsatynda Qazaqgaz birqatar iri ınfraqurylymdyq jobany iske asyrýda. Olar: ótkizý qabileti jylyna 5,8 mlrd tpekshe «Beıneý-Jańaózen» magıstraldyq gaz qubyrynyń 2-shi tizbegin salý; ótkizý qabileti jylyna 13,1 mlrd tekshe metr «Maqat-Soltústik Kavkaz» magıstraldyq gaz qubyrynyń lýpıngin salý; quny 96 mlrd teńgege Almaty qalasynda 2, 3-shi jylý elektr ortalyqtaryn gazdandyrý boıynsha ınfraqurylymdyq jobalar», - dedi Bolat Aqsholaqov.
Sondaı-aq ol bıýdjet qarajaty esebinen bıyl jalpy quny shamamen 75 mlrd. teńgeni quraıtyn «Jańaózen-Aqtaý» magıstraldyq gaz qubyrynyń 4-shi tizbegin jáne Aqtóbe qalasynda 3-shi tizbegin salý bastalatyndyǵyn aıtty.
«Sonymen qatar aǵymdaǵy jylytý kezeńinde eldiń ońtústik jáne ortalyq óńirlerin gazben qamtamasyz etetin «Beıneý-Bozoı-Shymkent» basty gaz qubyry jobalyq qýattan artyq nemese 106 paıyz jumys isteıtinin atap ótken jón. Osyǵan baılanysty eldi gazben úzdiksiz qamtamasyz etý úshin «Beıneý-Bozoı-Shymkent» magıstraldyq gaz qubyrynyń 2-shi tizbegin salý qajet», - dedi mınıstr.
Foto: theice.com
