«Bolashaq» qaýymdastyǵy saılaý ótkizý týraly sheshimdi qoldaıdy
«Táýelsizdigimizge qol jetkizgen shaqta Qazaqstan Respýblıkasynyń Tuńǵysh Prezıdenti - Elbasy Nursultan Ábishuly Nazarbaev 1993 jyly «Bolashaq» Halyqaralyq stıpendııasyn qurý týraly jaýapty sheshimin qabyldaýǵa bel býdy, atalmysh joba básekelestikke qabiletti ultty qalyptastyrýǵa baǵyttalǵan eń mańyzdy jobalardyń birine aınaldy. 2001 jyly «Bolashaq» stıpendııasy túlekteriniń Qaýymdastyǵy quryldy. Qaýymdastyq - bul turaqty damý saıasatyn júzege asyrýǵa, qyzmetkerlerdiń sabaqtastyǵyn qamtamasyz etýge, jańashyldyq jolymen ótkenniń dástúrlerin saqtap qalýǵa birikken múddeles azamattar qoǵamy. Qaýymdastyqtyń basty maqsattarynyń biri - Otanymyzdyń ekonomıkalyq, áleýmettik jáne saıası damýyna úles qosý. Bul óz kezeginde «Nur Otan» partııasynyń maqsattarymen tuspa-tus keledi», delingen málimdemede.
«Bolashaq» qaýymdastyǵynyń málimdemesinde Nursultan Nazarbaev 30 jyl boıy barlyq jaǵdaılarda memlekettik danalyq pen strategııalyq aıqyndyq tanytyp kelgeni aıtylady.
«Qazaqstandaǵy saıası jaǵdaı turaqtylyqtyń, konfessııaaralyq kelisiminiń, eldiń barlyq azamattarynyń múddesi úshin demokratııa men memlekettik ınstıtýttardyń damýynyń biregeı úlgisin búkil jahanǵa kórsetedi. Qazaqstannyń turaqty saıası damýy álemdik qoǵamdastyq úshin teńgerimdi bastamalardyń kózi retinde eldiń damýynda mańyzdy ról atqara alady jáne atqarýy tıis. Búginde biz ishki jáne syrtqy saıasatymyzdyń sabaqtastyǵyn, turaqtylyǵyn rastaýymyz kerek. Elimizde áleýmettik jáne saıası úılesimdilikti qoldaý maqsatynda memlekettik strategııalaryn jáne áleýmettik baǵdarlamalaryn tabysty iske asyrýdy jalǵastyrý qajet. Saılaý bizdiń elimizdiń damýyna, geosaıası jáne ekonomıkalyq turaqsyzdyqtyń jaǵymsyz áserin boldyrmaýǵa, halyqtyń birligin nyǵaıtýǵa múmkindik beredi dep senemiz. Olaı bolsa, saılaýdy aǵymdaǵy jylda ótkizý táýelsiz Qazaqstannyń gúldenýi úshin aldymyzǵa qoıyp otyrǵan memlekettik baǵyttyń sheshýshi jalǵasy bolyp tabylady. Bizdiń tańdaýymyz otansúıgishtiktiń, memlekettiń jáne qoǵamnyń bolashaǵy úshin joǵary azamattyqtyń jáne jaýapkershiliktiń úlgisi bolýy tıis!» - delingen málimdemede.
