«Bolashaqtyń» bolashaǵy bar ma?» - respýblıkalyq basylymdarǵa sholý
***
«Egemen Qazaqstan» gazetiniń búgingi nómirinde «Ákim esep berdi. El ne dedi?» degen taqyryppen Almaty qalasynyń ákimi Ahmetjan Esimovtiń, Qyzylorda oblysynyń ákimi Bolatbek Qýandyqovtyń jáne Qostanaı oblysynyń ákimi Sergeı Kýlagınniń halyqpen ótkizgen esep berý kezdesýlerine arnalǵan maqalalar serııasy jaryq kórdi.
Osy basylymnyń búgingi sanynda «Bolashaqtyń» bolashaǵy bar ma?» degen taqyryppen maqala jarııalandy. Maqalaǵa Parlament Májilisinińkeshegi jalpy otyrysynda depýtat Saǵynbek Tursynov kótergen taqyryp arqaý bolǵan. Depýtattyń szinshe, «Bolashaq» baǵdarlamasy boıynsha elge oralǵan jastardyń jumys tabýy túıindi máselege aınalyp barady. Resmı aqparattarǵa qaraǵanda, memlekettik qyzmette nemese ulttyq kompanııalarda ǵana emes, jaı jumys taba almaı júrgenderdiń sany 400-den asady eken. Keıbir derekkózderde ol 600 adamdy quraıdy dep jazylypty. 1994 jyldan bergi bitirgen 2788 túlektiń qanshasy Qazaqstanda qyzmet etip jatyr, qanshasy shet elderde qaldy nemese qaıta shetel asty, dep suraıdy depýtat. «Bolashaq» baǵdarlamasy boıynsha 2010 jyly 1259 adam bitirdi. 2011 jyly bul kórsetkish 1058 adamdy quraýy múmkin. Túlekterdiń jumys taba almaýynyń naqty sebebi nede?», - delingen maqalada osy saýalǵa jaýap izdelinedi.
«Aıqyn» gazetiniń búgingi sanynda Prezıdentikke úmitkerlerdiń memlekettik tildi erkin meńgerýin anyqtaıtyn lıngvıstıkalyq komıssııa múshesi, Baıtursynov atyndaǵy Til bilimi ınstıtýtynyń dırektory Sherýbaı Qurmanbaıulynan alynǵan suhbat basyldy. Taqyryby «Biz úmitkerdiń kóz aldynda otyryp, onyń bilim deńgeıin aıqyndadyq» dep atalady. «Prezıdenttikke úmitkerlerdiń memlekettik tildi erkin meńgerýin qatań qadaǵalaý - bıylǵy saıası dodanyń basty jańalyǵy. Qazirdiń ózinde memlekettik til synaǵynan súrinip, saılaý alańynan ysyrylyp qalǵandar bar. Mundaı talapty kúsheıtýde qandaı syr bar?», - dep bastalatyn maqalada Prezıdenttikke úmitkerlerge qoıylatyn talaptarmen jan-jaqty tanysa alasyzdar.
Sondaı-aq «Aıqyn» gazetinde «Táýelsizdik toıy Qazaq eliniń qaryshty qadamyn pash etedi» degen taqyryppen maqala jaryq kórdi. Onda Táýelsizdigimizdiń 20 jyldyq toıy «Beıbitshilik pen jasampazdyqtyń 20 jyly» degen uranmen ótkiziletinine oraı, keshe Memlekettik hatshy - Syrtqy ister mınıstri Qanat Saýdabaev Táýelsizdiktiń 20 jyldyǵyn ótkizý jónindegi memlekettik komıssııanyń birinshi otyrysyn ótkizgendigi baıandpalady «Qanat Saýdabaevtyń aıtýynsha, Elbasy tapsyrmasyna sáıkes, Azattyǵymyzdyń jıyrma jyldyǵyna arnalǵan is-sharalardy óńirlik jáne respýblıkalyq deńgeıde daıyndap, ótkizýdiń naqty mindetteri aıqyndalyp bolypty. Bul rette táýelsizdik mereıtoıyn ótkizýge basshylyq jasaıtyn memlekettik komıssııa tórt jumys tobyn qurǵan»,- delingen maqalada.
«Alash aınasy» basylymy «Jas mamandar azaıyp, qas mamandar qartaıyp barady» degen maqala basyp, onda elilimze dáriger mamandardyń tapshy ekendigine qoǵam nazaryn aýdarady. «Elimizde búginde dáriger jetispeı jatyr. Almatyǵa - 200, Syr óńirine 500, Batys Qazaqstanǵa - 362 shamasynda maman dárigerler qajet kórinedi. Medıtsınalyq oryndary maman daıarlamaı jatqan joq emes, daıarlap jatyr. Áńgime - sol mamanǵa tıisti jaǵdaıdyń jasalmaı turǵandyǵynda bolyp tur», - delingen maqalada.
Ortalyq saılaý komıssııasy Musaǵalı Dýambekovty Prezıdenttikke kandıdat retinde Konstıtýtsııa men «QR Saılaý týraly» konstıtýtsııalyq zańyna sáıkes dep tapty. Bul týraly málimetti búgingi nómirinde «Kazahstanskaıa pravda» gazeti jarııalap otyr. «Musaǵalı Dýambekov Konstıtýtsııanyń qazaq tilin meńgergendigi jónindegi qaǵıdattaryna saı dep tanyldy»,-delingen atalmysh basylymnyń maqalasynda. Maqalada aıtylǵanyndaı, Ortalyq saılaý komıssııasy qabyldaǵan saılaý úderisteriniń merzimin qysqartý jónindegi sheshimine sáıkes, M.Dýambekovke eki kúnniń ishinde 5 myń dana qol qoıý paraqtary beriledi.
Al «Ekspress-K» basylymy búgingi sanynda QR Ortalyq saılaý komıssııasy Qazaqstan Respýblıkasy Prezıdentiniń kezekten tys saılaýyna qatysý úshin Amantaı-qajy Asylbektiń ótinishin qabyldaǵandyǵy jóninde maqala jarııalady. «Ty skajı mne, Kajy» taqyryppen basylǵan maqalada lıngvıstıkalyq komıssııa Amantaı-qajynyń memlekettik tildi bilý deńgeıin anyqtaıtyn synaqtan - aǵymdaǵy jyldyń 12 aqpanda ótetindigin jazady.
