«Bolashaqtyqtarǵa» Astana Banki arqyly stıpendııa berýdegi týyndaǵan máseleler túsindirildi

ASTANA. QazAqparat - 2018 jylǵy 3 mamyrda  «Halyqaralyq baǵdarlamalar ortalyǵy» AQ Astana Banki arqyly stıpendııa alatyn stýdentterdiń Bank engizgen shekteýlerge baılanysty baspasóz máslıhatyn ótkizdi, dep habarlaıdy QazAqparat Halyqaralyq baǵdarlamalar ortalyǵynyń baspasóz qyzmetine silteme jasap.

Ortalyq vıtse-prezıdenti Talǵat Asqarov týyndaǵan máseleni sheshý joldary týraly aıtyp, jýrnalıster suraqtaryna jaýap berdi.

Spıker óz sózinde «Bolashaq» baǵdarlamasy boıynsha oqyp jatqan stıpendıattar sany 1304 adam ekenin aıtty. Jalpy 327 adam Astana Banki kartasy ıegerleri, onyń ishinde 312 adam shetelde, 15 adam Qazaqstanda tildik kýrstarda oqyp jatqanyn jetkizdi.

Ortalyq, Erejege sáıkes, mamyr aıynyń stıpendııasyn Astana Banki arqyly 2018 jylǵy sáýirdiń 19-20 kúnderi stıpendıattar esepshotyna aýdarylǵanyn habarlady. Stıpendııa Bank operatsııalaryna baılanysty esepshotqa 1-3 kún aralyǵynda tústi. 

Qazirgi ýaqytta keıbir stıpendıattarda týyndaǵan jaıttar boıynsha Ortalyq pen Bank arasynda birneshe kelissózder ótkizilip, máselelerdiń 2018 jylǵy 5 mamyrǵa deıin sheshiletindigi aldyn  ala habarlandy. Qosymsha suraqtar týyndaǵan jaǵdaıda Ortalyq stıpendıattardan resmı ótinish jazýlaryn suraıdy.