«Bolashaqtyń oıyndary» týrnırin uıymdastyrý jáne ótkizý jónindegi dırektsııa quryldy
ASTANA. KAZINFORM – «Bolashaqtyń oıyndaryn» daıyndaý jáne ótkizý jónindegi uıymdastyrý komıtetiniń tapsyrmasyna sáıkes, «Qazsportınvest» aktsıonerlik qoǵamy bazasynda mamandandyrylǵan dırektsııa quryldy.
Týrızm jáne sport mınıstrligi málimetinshe, dırektsııanyń mindeti – 2026 jyly Astanada ótetin «Bolashaqtyń oıyndary» halyqaralyq mýltısporttyq týrnırin uıymdastyrý jáne ótkizý.
Memleket basshysy Qasym-Jomart Toqaevtyń bastamasymen júzege asyrylatyn is-shara el sportyndaǵy mańyzdy oqıǵa bolmaq.
Aıta keteıik, 2024 jylǵy 13 qazanda Dýbaıda (BAÁ) ótken resmı rásimde Qazaqstan 2026 jyly dástúrli sport túrleri men kıbersportty biriktiretin biregeı týrnır – Phygital Games of the Future jarysyn ótkizý quqyǵyna ıe bolǵan edi.
2026 jylǵy jarysty uıymdastyrýǵa Qazaqstannan bólek, Perý jáne Chılı memleketteri de úmitker bolǵan.
Prezıdent jarysty Qazaqstanda ótkizýdi usynǵanyn jazǵan bolatynbyz.