Bolashaqta jer betinde erkek qalmaýy múmkin - BAQ
ASTANA. QazAqparat - Avstralııa professory Djennı Greıvs bolashaqta jer betinde er adamdar joıylýy múmkin dep esepteıdi.
Onyń esebinshe, jyl saıyn dúnıege keletin balalardyń sany azaıyp, bes mıllıon jyldan keıin olar túbegeıli joıylady. Bul jynystar arasyndaǵy aıyrmashylyqqa jaýap beretin Y-hromosomasynyń buzylýy saldarynan bolady. Greıvstiń aıtýyna qaraǵanda, adam evolıýtsııasy kezinde ol genniń shamamen 90 paıyzyn joǵaltty jáne bul úderis jalǵasyp keledi.
Erler DNK-synda XY juby, al áıelderde XX bolǵandyqtan, áıelder hromosomasy zaqymdanǵan bólikterin almastyra alady. Erlerde mundaı qasıet joq. Sóıtip, erlerdiń genderi azaıyp barady. Búginde erlerdiń Y-hromosomasynda 100-ge jýyq gen bar, buryn onyń sany 1000 jáne odan da artyq bolǵan.
Búginde árbir 100 myń er adamnyń arasynda 4-5 ul de Lıa Shapelıa sındromymen týady. Olarda Y-hromosomasy joq, al erlerdiń geni bireý bolady nemese 2 X-hromosomasy bolady. de Lıa Shapelıa sındromy bar adamdardyń syrt kelbeti áıelderge uqsas, ókinishke qaraı olar bala súıe almaıdy, dep jazady brıtanııanyń Daily Mail gazeti.
