Bolashaqta zańgerlerdi robottar almastyrýy múmkin
ASTANA. QazAqparat - Kóp adamdardyń zańgerlerge júginetini sózsiz. Olar sizdi sotta aqtap alýǵa tyrysatyny jaqsy, al tólenbegen nesıe úshin olardyń sizden páterdi tartyp alatyny jaman. Qalaı bolǵanda da, 15 jyldan keıin olardyń bári jumyssyz qalýy múmkin. Olardyń ornyn robottar basýy yqtımal, delingen brıtandyq Jomati zańgerlik fırmasynyń zertteýinde.
Olardyń pikirinshe, mashınalar tómengi toptaǵy zańgerlerdi ońaı aýystyra alady. «Elestetip kórińiz: robottar jalaqynyń kóterilýin nemese qyzmette kóterilýdi talap etpeıdi, aýyrmaıdy jáne bala kútý demalysyna, eńbek demalysyna shyqpaıdy. Sonymen birge eki elektrondy zańger tutastaı bir zańgerler komandasyn aýystyra alady», - degen senimde Jomati ókilderi.
Kúrdeli mindetterdi oryndaıtyn áldeqaıda bilikti zańgerler óz qyzmetterin saqtap qalady. «Bolashaqta bolatyn zańgerlik keńselerde nebári jalaqyǵa eńbek etetin eki-úsh adam men bir-eki robot bolady. Ol bıznesti áldeqaıda tabysty ete túsedi», - dep atap ótti Jomati sarapshylary.
