Bolashaqta saılaý jáshikteri bıýlletenderdi avtomatty esepteıtin tehnologııamen jabdyqtalady —Baǵdat Mýsın

ASTANA. QazAqparat – Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın keleshekte daýys berý júıesine 2 jańashyldyq engizý josparlanyp otyrǵanyn málim etti, dep habarlaıdy QazAqparat tilshisi.

Mınıstrdiń aıtýynsha mundaı tásil saılaý protsesine jalǵan bıýlletenderdiń qosylýyn boldyrmaıdy.

«Biz Ortalyq saılaý komıssııasymen birge eki máseleni talqylap jatyrmyz. Mysaly, daýys berýshini saılaý okrýgine bekitý jáne tirkeýden shyǵarý máselesi bar. Bir oblystan ekinshi oblysqa baryp daýys beretin bolsa, turǵylyqty okrýgte tirkeýden shyǵýy kerek. Keleshekte osyny onlaın túrde jasaýǵa bolady», - dedi ol depýtattar saılaýynda daýys berip bolǵannan keıin.

Sondaı-aq Baǵdat Mýsın saılaý jáshikterin jańa tehnologııamen jabdyqtaý máselesi talqylanyp jatqanyn atap ótti.

«Jáshikke bıýlletendi salǵan kezde qansha bıýlleten túskenin avtomatty túrde kórsetip tursa degen oıymyz bar. ıAǵnı, mundaı tehnologııa salǵan bıýlletinińizdiń eshqandaı qoldan jasalǵan qujat emes ekenin, zańdy qujat ekenin rastaıdy. Saılaý jáshigi qazirgideı bolady. Biraq kishkentaı kompıýterleri bolady. Osyndaı usynys bar. Qazirgi tańda bul birneshe elde júzege asyrylǵan. Keleshekte Ortalyq saılaý komıssııasymen talqylaý jalǵasady. Qazir bıýlletenderdi baqylaýshylar sanasa, endi baqylaýdyń taǵy bir mehanızmi paıda bolady. Ol jalǵan bıýlletenderdiń qosylyp ketpeýine septigin tıgizedi», - dedi mınıstr.