Bolashaqta «Samuryq-Qazynaǵa» qajetti mamandardy otandyq JOO-lar daıyndaıtyn bolady
ASTANA. 10 naýryz. QazAqparat /Arman Asqarov/ - Búgingi tańda biz elimizdegi birqatar jetekshi joǵary oqý oryndarymen «Samuryq-Qazyna» qoryna qajetti mamandardy daıarlaýdy qolǵa aldyq.
Biraq bul tájirıbe kórsetip otyrǵandaı, joǵary bilim berý júıesiniń deńgeıi jáne qorǵa qajetti qyzmettik daıyndyqtyń arasynda alshaqtyq bar. Bul týraly búgin Astanada bastalǵan «Adam resýrstaryn basqarý: HR ınnovatsııalar» taqyrybyndaǵy VI Halyqaralyq konferentsııada «Samuryq-Qazyna» ulttyq ál-aýqat qory" AQ Basqarma tóraǵasy Qaırat Kelimbetov aıtty.
«Biz L. Gýmılev atyndaǵy Eýrazııa ulttyq ýnıversıteti, ál-Farabı atyndaǵy Qazaq ulttyq ýnıversıteti, Q. Sátbaev atyndaǵy Qazaq ulttyq tehnıkalyq ýnıversıteti jáne T. Rysqulov atyndaǵy Qazaq ekonomıkalyq ýnıversıteti sııaqty elimizdiń jetekshi ýnıversıtetterimen birlese otyryp, «Samuryq-Qazyna» qoryna jáne oǵan qarasty kompanııalardyń basqarýshy quramyna qajetti mamandardy daıarlaýdy qolǵa alǵan bolatynbyz. Biraq, ókinishke oraı, búgingi tańda joǵary bilim berý júıesiniń deńgeıi jáne qorǵa qajetti qyzmettik daıyndyqtyń arasynda alshaqtyq baıqalady», - deıdi Q.Kelimbetov. Q
Qor tóraǵasy atap kórsetkendeı, qazirgi kezde osy máseleni sheshý maqsatynda arnaıy magıstrlik baǵdarlamalardy ázirlep, joǵary oqý oryndarynda qyzmet etip júrgen ǵalymdardyń qatysýymen zertteý jumystaryn júrgizý usynylyp otyr. «Osynyń arqasynda bizge keletin mamandar úlken daıyndyqtan ótetin bolady. Qazirgi kezde osy tájirıbeni Gýmılev atyndaǵy Eýrazııa ulttyq ýnıversıteti men Qazaq ekonomıkalyq ýnıversıtetinde iske asyrý josparlanyp otyr. Odan keıin ál-Farabı atyndaǵy Qazaq ulttyq ýnıversıteti men Qazaq ulttyq tehnıkalyq ýnıversıtetinde qolǵa alynbaq. Men óz kezegimde bul jumysqa barlyq ulttyq kompanııalardy qatysýǵa shaqyramyn», - dep atap kórsetti Q.Kelimbetov.
