Bolashaqta Olımpıada altynyn alǵym keledi – 51 jastaǵy túrik mergeni
ASTANA. KAZINFORM — 51 jastaǵy túrik mergeni Olımpıadada kúmis júldege qol jetkizgennen keıin álemdik ınternette juldyzǵa aınaldy. Belgili bolǵandaı, bul - ıÝsýf Dıkechtiń besinshi Olımpıadasy, biraq alǵashqy medali, sondaı-aq onyń minsiz stıli men jabdyqty kııýden bas tartýynyń arqasynda tanymal boldy. Bul týraly ol ZOOM arqyly Jibek Joly jýrnalısi Kúnsaıa Qurmetpen suhbatynda aıtty.
Olımpıadada 10 metr qashyqtyqtan pnevmatıkalyq tapanshamen oqý atýdan onyń barlyq qarsylastary arenaǵa tolyq kıimmen (ekıpırovka) shyqty. Qarapaıym kıim men ádettegi kózildirik kıgen ıÝsýf Dıkech qana boldy. Onyń bir qolyn qaltasyna salyp turǵany da kórermenderdi tańǵaldyrdy.
Anyqtalǵanyndaı, ıÝsýf Dıkech uzaq ýaqyt boıy Túrkııa Qarýly kúshteri jandarmerııasynda qyzmet etip, aǵa serjant shenimen bosaǵan. Ol alǵash ret 2008 jylǵy Beıjiń Olımpıadasynda óner kórsetti. Biraq sodan beri jeńis tuǵyryna kóterile qoıǵan joq edi.
Túrkııa quramasy tarıhynda alǵash ret Olımpıada júldegeri atanǵan ıÝsýf Dıkech aldaǵy ýaqytta altynǵa qol sozatynyn da jasyrmady.
«Jarys bitkennen keıin men birden Túrkııaǵa oraldym. Bári meniń arnaıy kıimsiz shyqqanyma tańǵaldy. Túsindireıin. Munyń sebebi mynada. Men arnaıy lınza men qulaqqap kısem, ózimdi óte yńǵaısyz sezinemin. Nysana kózdeý – bul sport, onda sen ózińdi jaıly sezinip, bar zeıinińdi soǵan salýyń kerek. Sondyqtan men arnaıy kıim kımeımin», deıdi 51 jastaǵy mergen.
ıÝsýf Dıkechtiń aıtýynsha, oq atýmen aınalysqanyna 24 jyl bolǵan. Ásker qatarynda júrip, nysana kózdeýdi úırengen. Sodan keıin kásibı túrde aınalysa bastaǵan.
Óziniń sózine qaraǵanda, buryn ony kóp eshkim bilmese, Olımpıadadan keıin kóshemen jaı júrý múmkin emes. Kórgen adam toqtap, quttyqtap, sýretke túsýdi suraıdy. Tek Túrkııada ǵana emes, ıÝsýfti sportqa jaqyn búkil álem biledi dese, artyq aıtqandyq bolmas. Áleýmettik jeli arqyly jazyp, tanysqysy keletinder az emes.
«Men qazaqstandyq sportshylardy jaqsy bilemin. Olarmen men irikteý satysynda, sosyn fınalda synǵa tústim. Qazaqstandyq mergendermen baılanystamyn. Olımpıadada nátıjege qol jetkizý úshin tynbaı jumys istep, eńbektený kerek. Bolashaqta qazaqstandyq mergenderdiń jaqsy tabystarǵa jetetinine senemin. Óıtkeni eńbek nátıje bermeı qoımaıdy. 24 jyl boıy jattyǵyp, besinshi Olımpıadamda ǵana medal alyp otyrmyn. Men kelesi Olımpıadaǵa qatysqym keledi. Bapkerime Los-Andjeleste 2028 jyly altyn medal alatynymdy aıttym, ol, árıne, kúldi. Biz onymen 20 jyl boıy dospyz. Endi altyn júlde úshin eńbektenemin. Barlyǵyńyzǵa myń alǵys, Túrkııadan barsha Qazaqstan halqyna sálem joldaımyn», dedi ıÝsýf Dıkech.
Eske sala keteıik, budan buryn Novak Djokovıchtiń Olımpıada oıyndarynyń chempıony atanǵanyn jazǵan bolatynbyz.
