Bolashaqta fýtbol oınaıtyn qazaqtar kóbeısin, óssin, ónsin - Halyqaralyq fýtbol federatsııasynyń ýákili
/strong>Sáýirdiń 17-ci. QazAqparat /Erlik Erjanuly/ - Qazaqstanda 5 myń mektepte 500 myń balanyń "Koko-Kola bylǵary dop" týrnırine qatysyp, aıaqdop sportymen shuǵyldanatyny meni qatty tańdandyrdy.
Halyqaralyq fýtbol federatsııasynyń (FIFA) ýákili Lı Mın Lıý keshe Almatyǵa Álem kýbogynyń kelýine arnalǵan baspasóz máslıhatynda osylaı aıtty, dep habarlaıdy QazAqparat.
"Bul bastamanyń negizi jas fýtbolshylardy, jas jetkinshekterdi álemdegi №1 sportqa baýlý jáne tartý. Men Qazaqstan fýtbolynyń vıtse-prezıdenti Seıildá Baıshaqovpen sóılesken kezde bir nársege tań qaldym. Ol - 500 myń bala 5 myń mektepte "Koka-Kola Bylǵary dop" týrnırine qatysyp, aıaqdop sportymen shuǵyldanýy. Bizdiń bul jerde aıtpaǵymyz, bolashaqta fýtbol oınaıtyn qazaqtar kóbeısin, óssin, ónsin", deıdi Lı Mın Lıý. Onyń aıtýynsha, FIFA Álem kýbogy Qazaqstannan keıin Koreıa, Japonııa, AQSh elderinde bolady.
Álem kýbogy óz tarıhyndaǵy eń úlken álemdik saparyn 2009 jyly qyrkúıektiń 21-inde FIFA shtab-páterinen bastaǵan bolatyn. 225-kúnge sozylatyn bul saparda ol dúnıejúziniń 86 elinde fýtbol jankúıerlerine qýanysh syılamaq. 134,017 shaqyrym joldy basyp ótken Álem kýbogy mamyrdyń 4-inde kezekti Álem chempıonatyn ótkizetin Ońtústik Afrıkaǵa taban tireıtin bolady.
