Bolashaqta atqaratyn jumysymyz tóńiregimizde bolyp jatqan ózgeristerge saı bolýy tıis - N Nazarbaev
ASTANA. 3 qyrkúıek. QazAqparat - Bolashaqta atqaratyn jumysymyz tóńiregimizde bolyp jatqan ózgeristerge saı bolýy tıis. Búgin 5-shi shaqyrylǵan Parlamenttiń ekinshi sessııasyn ashý barysynda sóz sóılegen Memleket basshysy Nursultan Nazarbaev osylaı málimdedi.
Óz sózinde Elbasy Qazaqstan eshqashan jahandyq damý úrdisindegi qıyndyqtardy nazardan tys qaldyra almaıtynyn aıtty. Sonymen qatar, Prezıdent álemdik ekonomıka toqyraý men turalaýdan áli de aryla almaǵanyn, tipti eń optımıstik saraptamalardyń ózinde álemdik jalpy ónim bıyl - 2,5, 2013 jyly - 3-ten sál artyq paıyzǵa ósedi dep boljanýda ekendigin alǵa tartty.
«Eýropanyń derbes qaryz daǵdarysynyń shıelenisý qaýpi áli de seıilgen joq. Taıaý Shyǵystaǵy saıası daǵdarys budan burynǵydaı, kúlli dúnıe júzine óziniń zardabyn tıgizýi múmkin. Barlyǵymyzǵa osyndaı kúrdeli jaǵdaıda jumys istep, asa jaýapty sheshimder qabyldaýǵa týra keledi. Bolashaqta atqaratyn jumysymyz, tóńiregimizde bolyp jatqan ózgeristerge saı bolýy tıis kerek. Onyń ishinde ekonomıkada da, bilimde de, saıası jaǵdaıda da, áleýmettik jaǵdaıda da ózgeristerge saı bolýy shart», - dedi Memleket basshysy.
