Bolashaqta asyq oıynynyń búkil álemge tanymal bolýyn armandaımyn - «Altyn saqa» oıynynyń bas júldegeri
ALMATY. Shildeniń 6-sy. QazAqparat /Erlik Erjanuly/ - Keshe Astanada «Altyn saqa» dep atalatyn atty ІІ qalalyq asý aty jarysy ótti,
dep habarlaıdy QazAqparat Astana qalasynyń Týrızm, dene tárbıesi jáne sport basqarmasynyń baspasóz qyzmetine silteme jasap.
Ony qalalyqTýrızm, dene tárbıesi jáne sport basqarmasy men Ulttyq sport túrleri jáne buqaralyq-saýyqtyrý dene shynyqtyrý klýby birigp uıymdastyrdy. «Dáýlet» sport kombınatynyń ashyq alańynda ótken bul jarysqa bıyl 163 oıynshy qatysty. Saıys balalar men erler arasyndaǵy asyq atý jáne «topaı oıyny» boıynsha ótkizildi. Onda «Topaı oıynynda» Іlııas Hasenov birinshi, Álııa Sadyqova ekinshi, Mahmut Tóleqov úshinshi oryn aldy. Erler arasynda júldeli oryndardy Erlan Júnisov, Ákimjan Jumabaev jáne Murat Qaısar ózara bólisti. Balalar arasynda Maqsut Saýdanuly jeńimpaz atanyp, Aıbek Dıhan men Maǵjan Baımaǵambetov júldeger boldy. Uıymdastyrýshylar úsh topta da - birinshi oryndy ıelegenderge JK - teledıdar, 2-shi oryn alǵandarǵa - túrli-tústi teledıdar, al 3-shi oryn alǵandarǵa mýzykalyq ortalyq syılady. №53 mektep-lıtseıdiń oqýshysy Maqsut Saýdanuly «Altyn saqa» bas júldesi úshin bolǵan saıysta eresekterdi de qapy qaldyryp bul oıyndy balalardan eshkim jaqsy oınaı almaıtynyn taǵy bir ret dáleldep shyqty.
«Men kishkentaı kezimnen-aq asyq atýdy jaqsy kóremin. Bul oıyndy aýylda júrgende úırendim. Astanaǵa kóshkenimizge bıyl 6 jyl boldy. Asyq oınaýdy qazir basqalardy úıretip, olardy bul oıynǵa tartyp júrmin. Bolashaqta asyq oıynynyń búkil álemge tanymal bolýyn armandaımyn», deıdi jarystyń 14 jastaǵy eń úzdik mergeni atanyp «Altyn saqaǵa» ıe bolǵan M. Saýdanuly.
