Bolashaqta arnaıy mamandandyrylǵan HQKO-lar elimizdiń barlyq qalalarynda ashylady

ASTANA. 20 qarasha. QazAqparat - Elbasynyń bergen tapsyrmasyn oryndaý maqsatynda arnaıy mamandandyrylǵan halyqqa qyzmet kórsetý ortalyǵy (HQKO) arqyly avtokólikterdi tirkeý, júrgizýshi kýálikterin berý boıynsha sharalar júrgizilýde. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Іshki ister mınıstriniń birinshi orynbasary Marat Demeýov aıtty.

Onyń aıtýynsha, atalǵan HQKO-lar qazirgi tańda Astana, Almaty, Qaraǵandy men Aqtaý qalalarynda jumys isteıdi.

«Júrgizýshi kýáligin alý úshin tapsyrylatyn emtıhandar kompıýterlik test arqyly polıtsııa qyzmetkerleriniń jumysyn baqylaıtyn beınebaqylaý júıesi bar synyptarda alynady. Avtokólikti tirkeý barysynda memlekettik nómirlik tańbalardy ıemdený avtomatty rejımde arnaıy kompıýterlik baǵdarlama arqyly júzege asady», - dep atap ótti M. Demeýov.

Birinshi vıtse-mınıstrdiń aıtýynsha, bolashaqta atalǵan HQKO-lardy basqa da qalalarda ashý kózdelgen.