«Bolashaqqa» aýyldyq kvotamen qatysatyndarǵa aǵylshyn tilin bilý talaptary jeńildeıdi

ASTANA. KAZINFORM – «Bolashaq» halyqaralyq stıpendııasyn iske asyrý tártibine ózgerister engizetin buıryq jobasy talqylaýǵa shyǵaryldy.

«Aǵylshyn tilin bilý deńgeıimen: IELTS: 9.0-den 5.5; TOEFL: IBT 120-dan 46-dan 59-ǵa deıin, PBT/ITP 677-den 417 - den 497 - ge deıin; DET 160 - tan 95 - ten 104-ke deıin; IELTS Indicator 5.5 resmı jaramdy sertıfıkatty, sondaı-aq tildik kýrstardan ótý uıymdastyrylatyn sheteldik joǵary oqý ornyna akademııalyq oqýǵa sózsiz shaqyrý týraly hat usynǵan ınjenerlik-tehnıkalyq, medıtsına qyzmetkerleri, aýyldyq eldi mekenderden úmitkerler aǵylshyn tilin bilýdiń ekinshi shekti deńgeıine sáıkes keledi», - delingen buıryq jobasynda.

Qarapaıym tilmen aıtsaq, «ınjenerlik-tehnıkalyq mamandyqtar men medıtsına qyzmetkerleri, aýyldyq eldi mekenderden qatysatyn úmitkerlerge aǵylshyn tilin bilý talabynyń deńgeıi jeńildetilmek.

«Bolashaq» baǵdarlamasynyń 100-den astam sheteldik joǵary oqý orny aǵylshyn tilin biletin «Bolashaq» stıpendıattarynyń tildik kýrstaryna bizdiń normalarymyzda belgilengen IELTS 5.5-ten tómen upaı qabyldaýǵa daıyn ekenin bildirdi.

Osyǵan baılanysty «ınjenerlik-tehnıkalyq, medıtsına qyzmetkerleri, aýyldyq eldi mekenderden úmitkerler» sanaty úshin aǵylshyn tilin bilý deńgeıine sáıkes: IELTS: 9.0-den 5.5; TOEFL: IBT 120-dan 46-dan 59-ǵa deıin, PBT/ITP 677-den 417-den 497-ge deıin; DET 160-tan 95 - ten 104-ke deıin; IELTS Indicator 5.5, sheteldik joǵary oqý ornynan akademııalyq oqýǵa sózsiz shaqyrý týraly hat berilgen jaǵdaıda, shetelde tildik kýrstardan ótýge múmkindik berý usynylady.

Bul túzetý azamattardyń kvotalyq sanatyna ǵana qoldanylady.

Usynylǵan ózgeris sheteldik ýnıversıtetten akademııalyq oqýǵa sózsiz shaqyrý bergen, biraq ekinshi shekti deńgeıge sáıkes kelmeıtin stıpendıattardyń shetelde tildik kýrstardan ótýine múmkindik beredi.

Sheteldik ýnıversıtet janyndaǵy tildik kýrstardan ótý stıpendıattardyń akademııalyq oqýǵa qabyldanýyna kepildik beredi», - dep jazylǵan qujatta.