Bolashaq jastardyń ultaralyq tatýlyq degendi uǵynyp, ulttyq, qoǵamdyq qundylyqtardyń baǵasyna jete bilýi mańyzdy - Májilis depýtaty
ASTANA. 27 qańtar. QazAqparat /Aıdar Ospanalıev/ - «Memleket basshysy búgingi Joldaýynda aýyl jastarynyń jumyspen qamtý máselesin sheship,
olardyń elimizdiń aımaqtaryndaǵy iri óndiris oshaqtarynda qyzmet ete alýlary úshin laıyqty jaǵdaı jasalatyndyǵyn aıtty», dedi búgin Parlament Májilisiniń depýtaty Kamal Burhanov Parlament palatalarynyń birlesken otyrysynan soń jýrnalısterge bergen suhbatynda.
Onyń aıtýynsha, Elbasy búgingi Joldaýynda sonymen qatar eldegi óte úlken ári kúrdeli problemalardyń biri - turǵyn úı máselesine erekshe kóńil bólip otyrǵandyǵyn atap kórsetti. «Onyń ishinde, ásirese 500 myńnan astam jas otbasylarǵa turǵyn úı salyp berý máselesi erekshe nazar aýdarýǵa turarlyq. Bul úılerdiń birqatary jalǵa beriledi, tipti ony keıinnen birjolata satyp alýǵa da múmkinshilik jasalyp otyr. Osy Joldaýdaǵy mán bererlik taǵy bir mańyzdy másele, tárbıe berý isine baılanysty. Endi bilim berý oryndarynyń deńgeılerine qaramastan, olardyń barlyǵynda tárbıe jumystary erekshe qolǵa alynbaq. Bolashaq jastardyń ultaralyq tatýlyq degendi uǵynyp, ulttyq, qoǵamdyq qundylyqtardyń baǵasyna jete bilip, zańǵa baǵynýy óte mańyzdy»,-dedi depýtat.
