«Bolashaq» zaýytynyń qýaty jylyna 22,5 mln tonna munaıǵa eseptelgen - Brýno

ATYRAÝ. QazAqparat - Qashaǵan munaıy túse bastaǵan «Bolashaq» zaýyty jylyna 22, 5 mln tonna munaı jáne 6,2 mlrd tekshe metr gaz óńdeıdi, dep habarlady Memleket basshysynyń óńirge sapary barysynda «NKOK» basqarýshy dırektory Brýno Jarden.

 «Munaı óńdeý júıesi táýligine 450 myń barrelge nemese jylyna 22,5 mln tonna munaı óńdeýge múmkindik beredi. Ol munaıdy sýsyzdandyrýdy jáne turaqtandyrýdy, merkaptandy joıýdy, «Qashaǵan» ken ornynyń tájirıbelik-ónerkásiptik ázirleý kezeńinde saqtaýdy jáne eksportqa jóneltýdi qamtıdy. Jylyna qýaty 6,2 mlrd tekshe metrge deıin gaz daıyndaıtyn júıe, otyn men kúkirt retinde suıytylǵan gazdy da qosa alady.

Sondaı-aq qaldyq gazdy tazalaý men ony tutynýshyǵa jónelter aldynda qoldanystaǵy jelige qosý núktesine deıin syǵady», - dep habardar etti Memleket basshysyn Qashaǵan ken ornyn ıgerý boıynsha Soltústik-Kaspıı jobasyn iske qosý tanystyrylymy barysynda.