Bolashaq urpaqty damytýda ınvestıtsııalarǵa ıek artý básekege qabiletti ult qalyptastyrýǵa múmkindik beredi - QR vıtse-premeri
ASTANA. 12 maýsym. QazAqparat - «Bolashaq urpaqty damytýda ınvestıtsııalarǵa ıek artý ınnovatsııalyq ekonomıka qurýǵa qajetti básekege qabiletti ult qalyptastyrýǵa múmkindik beredi», - dedi QR vıtse-premeri Erbol Orynbaev Nazarbaev Ýnıversıtetinde joǵary bilim kóshbasshylarynyń ekinshi Eýrazııalyq forýmynda sóılegen sózinde.
Ol básekege qabiletti bilim júıesi eldiń bolashaq áleýmettik-ekonomıkalyq jáne mádenı gúldenýine jol ashatyn tuǵyrnama retinde qyzmet etedi, dep atap ótti.
Onyń aıtýynsha, QR-yn damytýdyń 2020 jylǵa deıingi strategııalyq jospary 2020 qaraı eldiń qandaı bolatynyn kóz aldyńyzǵa ákeledi: bul degenimiz - Qazaqstannyń bilimdi el bolýy, aqyldy ekonomıka jáne joǵary bilikti eńbek resýrstary.
«Otandyq bilim berý júıesin jańartýdyń kezeń-kezeńmen júzege asyrylatyn «Jol kartasy» ornyqty ekonomıkalyq ósimniń faktory retinde sapaly bilimge qoljetimdilikti qamtamasyz etýge baǵyttalǵan 2011-2020 jyldarǵa arnalǵan Bilim berýdi damytýdyń memlekettik baǵdarlamasynda belgilengen», - dedi QR vıtse-premeri.
Eske sala keteıik, búgin Astanada joǵary bilim kóshbasshylarynyń ekinshi Eýrazııalyq forýmy jumysyn bastady.
