«Bolashaq» tiziminen brıtandyq ýnıversıtetter shyǵarylýy múmkin
ASTANA. KAZINFORM – Brıtandyq birqatar ýnıversıtet deldal agenttiktermen yntymaqtastyǵyna baılanysty «Bolashaq» baǵdarlamasy aıasynda oqýǵa bolatyn JOO-lar tiziminen shyǵarylýy múmkin. Bul týraly Ǵylym jáne joǵary bilim mınıstri Saıasat Nurbek málim etti.
Onyń aıtýynsha, mınıstrlik mundaı jaǵdaılardy anyqtaý boıynsha aýqymdy jumystardy qolǵa aldy. Bul rette basty nazar AQSh jáne Ulybrıtanııa ýnıversıtetterine aýdarylyp otyr.
- Biz jaǵdaıdy baqylaýda ustap otyrmyz. Belgili bir ýnıversıtetke oqýǵa qabyldanatyndar sany kúrt óskenin baıqasaq, bul protseske demeýshilik jasap otyrǵan bireýdiń bar ekeni birden aıqyn bolady. AQSh ýnıversıtetterimen tıisti kelissózder júrgizdik. Olardyń barlyǵy keshirim surap, ishki rásimderin qaıta qarastyrýǵa jáne tekserý júrgizýge kiristi, — dedi mınıstr.
Saıasat Nurbek qazirgi ýaqytta Ulybrıtanııa ýnıversıtetterinde de osyǵan uqsas máseleler kóterilip jatqanyn aıtty.
- Jaqynda men sol jaqqa baryp, issapar aıasynda brıtandyq ýnıversıtet ókilderimen kelissóz júrgizdim, – dedi vedomstvo basshysy.
Eske salsaq, Ǵylym jáne joǵary bilim mınıstri Saıasat Nurbek AQSh-tyń tanymal ýnıversıtetteriniń «Bolashaq» tiziminen nelikten alynǵanyn aıtty.